QR IIM Qylmystyq-atqarý júiesi komiteti kásipkerlerdi abaqtydaǵy sottalýshylardy birlesip jumyspen qamtýǵa shaqyrdy, dep habarlaidy.
Bul týraly QR IIM Qylmystyq-atqarý júiesi komiteti tóraǵasynyń orynbasary Esqali Salamatov aitty.
«Biyl Ishki ister ministrligi ishinde Qylmystyq-atqarý júiesi jyly bolyp jariialandy. Biz QAJ sheńberinde sottalǵandardy jumysqa ornalastyrýdy basym baǵyt dep belgiledik. Bul másele óte mańyzdy. Qazirgi ýaqytta túrmede jazasyn ótep jatqan 23,5 myń adamnyń 9 myńy ǵana jumys isteidi, bul 40% quraidy. 9 myń adamnyń 36% kúnine birneshe saǵat qana jumys isteidi, iaǵni formaldy jumyspen qamtylǵan. Biz bul problemamen shyndap kúresýge daiynbyz», - dedi E. Salamatov elordada ES – 166/10 mekemesinde ótken dóńgelek ústelde.
Búgingi tańda túrmede otyrǵan 7,4 myń sottalýshy memleket pen jábirlenýshilerge 296 milliard teńge qaryz. 2019 jyly onyń 1,5 mlrd teńgesi ǵana tólengen.
«Sondyqtan bizdiń basty mindetimiz – sottalǵandardyń jumys istep, qaryzdaryn tóleýi úshin barynsha jumyspen qamtý. Taldaý nátijesi kórsetkendei, jumyspen qamtylǵan sottalýshynyń problemasy az. Jumys isteitin adamdar shaǵym jazbaidy, aqsha tabady, qaryzyn tólep, otbasylaryna kómektesedi jáne olardyń shartty túrde merziminen buryn bosap shyǵatyn múmkindikteri kóp. Jumyssyz sottalýshylar da jumys istegisi keledi. Saýalnama júrgizgende, tutqyndardyń 99% jumys istep, otbasylaryna kómekteskisi keletinin aitqan», - deidi spiker.
Onyń aitýynsha, sońǵy on jylda Qazaqstandaǵy túrmeler sany 2 esege azaiǵan.
«2010 jyly elimizdegi túrmelerde 63,5 myń sottalýshy jazasyn ótegen. Qazir tergeý izoliatorlarymen birge eseptegende 29 myńǵa jetedi. Mundai jetistikke kez kelgen el qol jete bermeidi. Bul jyldary zańnama izgilendirildi, Kodeks qabyldandy, probatsiia qyzmeti quryldy, birneshe mekeme qysqardy, qarjylandyrý jaqsardy. Túrmedegi adamdar indeksi boiynsha, iaǵni sottalǵandar sany boiynsha Qazaqstan shamamen 100-orynda tur. Al 2010 jyly Qazaqstan bul kórsetkishte 13-orynda edi», - dedi E. Salamatov.
Sonymen birge, E. Salamatov kásipkerlerdi QAJ júiesindegi bos óndiristik alańdarda jumys isteýge shaqyrdy.
«Qazirgi ýaqytta túrmelerde 390 myń sharshy metr óndiristik alań bar, onyń 110 myń sharshy metri bos. Bos orynǵa sottalǵandardy jumysqa alýǵa jáne jalaqy tóleýge daiyn kásipkerlerdi shaqyramyz. Árine, kásipkerlerdiń mekeme ákimshiligimen, «Eńbek» RMK ókilderimen til tabysa almaityn sátteri bolady. Sondyqtan, jaqyn arada biz QAJ komitetinde qylmystyq-atqarý júiesinde jumys isteitin kásipkerlerdi qorǵaý keńesin quramyz. Biz ár kásipkerdi qorǵaýǵa alamyz, árqaisysymen ózara kómek týraly memorandým jasasýǵa daiynbyz», - dedi QAJ ókili.
Óz kezeginde «Dandmard» JShS direktory Muhtar Káribaev 13 sottalýshyny jumyspen qamtyp otyrǵanyn jetkizdi jáne olardyń sanyn taǵy arttyrýdy kózdep otyr.
«Búginde bizde arnaiy kostiýmder, áskeri jabdyqtar shyǵaratyn tórt sheberhana bar, oǵan qosa shulyq óndirisin de qolǵa aldyq. Bizde 13 sottalǵan adam jumys isteidi, olardyń 12-si er adam jáne bireýi áiel. Qazir olar tájiribeden ótip, óz mamandyqtary boiynsha bilim alýda. Aldaǵy ýaqytta júz adamǵa deiin jumyspen qamti alamyz. Atap aitqanda, bul adamdar tsehta jumys isteidi. Olardyń tasymalyn óz jaýapkershiligimizge aldyq. Tańerteń qansha adam shyqqanyn tirkep, alyp ketemiz, tamaqtandyramyz jáne keshke ákelemiz. Múmkindik bolsa, biz túzetý mekemesinde óndiris ashýǵa da daiynbyz», - dedi kásipker.
Sonymen birge, «Astana-Zelenstroi» JShS, «PIK IýTARIIa LTD» JShS, «Astana Tazalyq» JShS, «BAZIS Construction» JShS sottalýshylardy monolitshi, gaz elektr dánekerleýshi, injener, qurylysshy, slesar, elektrik, júrgizýshi, tazalaýshy, tiginshi, santehnik kásipteri boiynsha jumyspen qamtýǵa daiyn.
