Batys Qazaqstan oblysynda asa iri kólemde esirtki tasymaldap, ótkizýmen ainalysqan qylmystyq top sottaldy, dep habarlaidy "Ult aqparat".
BQO qylmystyq ister jónindegi mamandandyrylǵan aýdanaralyq sotynyń tóraǵasy mindetin atqarýshy Baqyt Ermahanovtyń málim etkenindei, J.Esirkepov QR QK 28-baby 3-bóligi, 297-baby 3-bóligi 1, 2, 3-tarmaqtary, M.Amanov 28-baby 5-bóligi, 297-baby 3-bóligi 1, 3-tarmaqtary, S.Omarqulov pen B.Esirkepov 297-baby 3-bóligi 1, 3-tarmaqtary, B.Shómekeev pen N.Qyrym 297-baby 3-bóligi 1, 3-tarmaqtary, 296-baby 2-bóligine sáikes aiypty dep tanyldy.
Sot talqysynda málim bolǵanyndai, RÝ-170/3 mekemesinde jazasyn ótep jatqan aqtóbelik J.Esirkepov Jambyl jáne Qyzylorda oblystarynan asa iri mólsherde keptirilgen marihýanany Aqtóbe men Oral qalasyna zańsyz tasymaldap, ótkizýdi oilastyrǵan. Sol úshin buryn jazasyn birge ótegen, Qyzylorda oblysy Qarmaqshy aýdany Josaly kentinde turatyn M.Amanovpen uialy telefon arqyly habarlasqan. Muny qup kórgen M.Amanov J.Esirkepovke aýyldasy B.Shómekeevti taýyp bergen. B.Shómekeev Josaly kentinen asa iri mólsherdegi keptirilgen marihýanany Oral qalasyna zańsyz tasymaldap, jetkizgen. Ol ótken jyly 9 naýryzda 4 kg marihýanany «Lada Priora» avtokóligine zańsyz aiyrbastaǵan.
J.Esirkepov sonymen qatar Taraz qalasynyń turǵyny S.Omarqulovpen de habarlasyp, taǵy bir osyndai qylmysty uiymdastyrǵan. S.Omarqulov Tarazdan Aqtóbe qalasyna 20 kg esirtkini J.Esirkepovtiń uly B.Esirkepovke jetkizip, ár kelisin 120 myń teńgeden ótkizýdi tapsyryp ketken. 2020 jyly 4 naýryzda B.Esirkepov sybailasy N.Qyrymmen birge 10 kg marihýananyń ár kelisin 120 myń teńgeden, barlyǵy 1,2 mln teńgege satý kezinde ustalǵan.
B.Ermahanovtyń aitýynsha, sottalýshylardyń kinálary olardyń sottaǵy jáne sotqa deiingi jaýaptarymen, kýálardyń aiǵaqtarymen, jasyryn tergeý áreketterimen, saraptama qorytyndylarymen, ustaý, jeke tintý hattamalarymen tolyq dáleldendi.
Osylaisha J.Esirkepov - 13, S.Omarqulov 12, M.Amanov, B.Shómekeev, B.Esirkepov jáne N.Qyrym árqaisysy 10 jylǵa bas bostandyqtarynan aiyryldy.
J.Esirkepov pen B.Shómekeevtiń áreketterinde qylmystardyń qaýipti qaitalanýy tanylýyna bailanysty olarǵa jazasyn qaýipsizdigi tótenshe, qalǵandaryna qaýipsizdigi barynsha joǵary qylmystyq-atqarý júiesi mekemesinde óteý belgilendi.
Úkim zańdy kúshine engen joq.
