Túrmede otyrǵandar da 42 500 teńgege ótinim bergen. Bul týraly Ortalyq kommýnikatsiialar qyzmetindegi brifingte QR Eńbek jáne halyqty áleýmettik qorǵaý vitse-ministri Aqmádi Sarbasov aitty, dep habarlaidy "Ult aqparat".
«Eńbek ministrligi jáne basqa da memlekettik organdardyń aqparattyq júieleri arqyly ótinish berýshilerdiń málimetterin tekserý kezinde jeke kásipkerler men qyzmetkerlerdiń joǵaryda atalǵan talaptarǵa sáikes kelmeý jaǵdailary anyqtaldy. Osyǵan bailanysty olarǵa áleýmettik tólemder tóleýden bas tartyldy», - dedi vitse-ministr.
Onyń atap ótýinshe, tólemdi taǵaiyndamaý zeinetaqy jarnalary men áleýmettik aýdarymdardyń bolmaýyna, tótenshe jaǵdai kezinde zeinetaqy jarnalary men áleýmettik aýdarymdardyń ósýine, jeke kásipkerlerdiń kiristi joǵaltqanyn rastamaýyna, birneshe kiristiń bolýyna, ótinishte kórsetilgen jumys berýshi zeinetaqy jarnalary men áleýmettik aýdarymdardy tóleýshige sáikes kelmeýine bailanysty boldy.
Sonymen qatar, jumyssyzdyq mártebesi bola tura ótinish bergender de bar. Munan bólek, qaitys bolǵan adamdardyń, shetelge shyǵyp ketken adamdardyń, qamaýda otyrǵan adamdardyń atynan ótinishter, tótenshe jaǵdai kezinde jumys istegen memlekettik sektordyń, kvazimemlekettik sektordyń, ekinshi deńgeili bankterdiń jáne basqa kásiporyndardyń qyzmetkerleriniń ótinishteri, belsendi zeinetaqy jáne járdemaqy alýshylardyń ótinishteri de túsken.
Bul azamattarǵa da áleýmettik tólem berilgen joq.
