Túrmede kóz jumǵan Saniianyń isi boiynsha qamaýǵa alynǵan qyzmetkerlerdiń advokaty málimdeme jasady, dep habarlaidy ult.kz.
Jýrnalist Mihail Kozachkovtyń habarlaýynsha, marqumnyń óliminen keiin qamaýǵa alynǵan ýaqytsha ustaý izoliatorynyń eki qyzmetkeriniń advokaty Talǵat Esimov olardyń qamaýǵa alynýy zań talaptaryna sáikes kelmeýi múmkin ekenin aitty.
Qorǵaýshynyń sózinshe, kúdiktilerge taǵylǵan qylmystyq bap boiynsha eń aýyr jaza – tórt jylǵa deiin bas bostandyǵynan aiyrý. Osyǵan bailanysty olardy qamaýda ustaýdyń ornyna úiqamaq nemese kepil túrindegi bultartpaý sharasyn qoldanýǵa múmkindik bolǵan.
Sonymen qatar advokat qylmystyq jaýapkershilik tek kezekshi kómekshilerine júktelip otyrǵanyn, al izoliator basshylyǵynyń áreketterine ázirge quqyqtyq baǵa berilmegenin atap ótti.
