Áigili qazaqstandyq balýan, sport qairatkeri Dáýlet Turlyhanov Aziia kúres keńesiniń prezidenti qyzmetine qaita sailandy, dep habarlaidy "Ult aqparat".
12 sáýirde Almatyda ótken Aziia kúres keńesiniń Bas assambleiasynda onyń qazirgi basshysy Dáýlet Turlyhanov qatysýshylardyń biraýyzdy sheshimimen tórt jyldyq merzimge qaita sailandy.
Assambleiaǵa Birikken kúres áleminiń prezidenti, HOK Atqarý komitetiniń múshesi Nenad Lalovich (Serbiia), UWW vitse-prezidentteri Mihail Mamiashvili (Resei) jáne Ahroljan Rýziev (Ózbekstan), sondai-aq UWW múshesi qatysty.
Aita keteiik, Dáýlet Turlyhanov 2017 jyly mamyr aiynda Niý-Delide ótken kongreste Aziia kúres keńesiniń prezidenti bolyp sailanǵan.
Dáýlet Bolatuly Turlyhanov 1963 jyly 18 qarashada Shyǵys Qazaqstan oblysynyń Jarma aýdanynda dúniege kelgen. Grek-rim kúresinen eńbek sińirgen sport sheberi, Qazaqstannyń eńbek sińirgen qairatkeri, Qazaqstan jáne Qyrǵyzstan Respýblikalarynyń eńbek sińirgen jattyqtyrýshysy.
