Otandyq juldyzdy jup Arman Qońyr men Asha Matai ózderiniń jeke ómirine qatysty tarap ketken qańqý sózderge jaýap berdi. "Almaty" telearnasynyń "Paparazzi" baǵdarlamasynda olar mán-jaidy túsindirdi, dep habarlaidy KAZ.NUR.KZ saity.
Otandyq shoý-bizneste eń jii talqyǵa túsetin juldyzdy juptardyń biri – Arman men Asha. Birde ajyratty, keiin qaita qosty. Biraq olar túrli qańqý sóz taratqandardyń áreketine qatty qynjylady.
«Bul baqytsyz adamdardyń tirligi dep oilaimyn. Ózderi baqytsyz bola tura, ózgeniń baqytyn kóre almaidy. Ózgeniń otbasynda da urys-keris bolsyn degen nietpen ádeii jazady. Biraq men bárine baqyt tileimin. Ár adam ózine jaýap bersin. Sondyqtan bizde barlyǵy jaqsy», – deidi Asha Matai.
Ánshi otbasyndaǵy árbir dúnieni jelige salýdy quptamaitynyn aitady.
«Biz barlyǵyn Instagram jelisine salýǵa mindetti emespiz dep oilaimyn. Kadrdan tys jerler bar, sóz-kóz degen bar, biz otbasymyzdy ondaidan, árine, aýlaq ustaǵymyz keledi», – dedi ánshi.
Al Arman bolsa jeke ómiri, ene men kelin arasyndaǵy qarym-qatynasqa qatysty sansyz saýaldardan ábden sharshaǵan. Budan bylai Qońyrbaev otbasy jónindegi aqparattardy qupiia ustaýdy qup kóredi.
«Instagram jelisi arqyly da jeke ómirge qatysty kóp suraqtar qoiady. Men qazirgi ýaqytta ol suraqtarǵa jaýap bergim kelmeidi. Múmkin, áli ýaqyty kelgen joq. Túrli jaǵdailar bar ony aitpaýǵa, sol úshin bul - jeke ómirim. Biznes, shyǵarmashylyq jónindegi suraqtarǵa jaýap berýge daiynmyn. Biraq otbasym, áke-sheshem, taǵy basqa týraly aitqym kelmeidi. Túsinesizder ǵoi, ár adamnyń jeke ómiri bolýy kerek. Biraq jalpy, barlyǵy jaqsy, Allaǵa shúkir!» – dedi Arman Qońyrbaev.
