Sýret: aa.com.tr
Túrkiianyń halyqaralyq ataýy Türkiye bolyp ózgerdi, - dep habarlaidy Tengrinews.kz agenttigi aa.com.tr saityna silteme jasap.
Túrkiia BUU-ǵa eldiń atyn shet tilderinde jazýdy ózgertý týraly resmi ótinish berdi. Bul týraly Túrkiia SIM basshysy Mevliýt Chavýshoglý óziniń Twitter-degi resmi paraqshasynda aitty.
Diplomat bul jańalyq Ankaranyń halyqaralyq arenadaǵy bedelin arttyrýǵa baǵyttalǵan qadamdary aiasynda qabyldanǵanyn atap ótti.
"Prezident Rejep Taiyp Erdoǵannyń basshylyǵymen eldiń bedelin kóterý úshin bastalǵan protsess aiaqtalýǵa jaqyn. Búgin BUU Bas hatshysynyń atyna joldaǵan hatym boiynsha, elimizdiń atyn BUU-da shet tilderinde Türkiye dep tirkeimiz. Tek jaqsylyqqa bastasyn!", - dep jazdy Chavýshoglý.
Osylaisha, budan bylai Turkiye ("Týrkiie") ataýy barlyq halyqaralyq forýmda jáne resmi qujatta qoldanylady. Buryn Turkey, Turkei, Turquie dep jazylǵan.
