سۋرەت: aa.com.tr
تٷركييانىڭ حالىقارالىق اتاۋى Türkiye بولىپ ٶزگەردٸ, - دەپ حابارلايدى Tengrinews.kz اگەنتتٸگٸ aa.com.tr سايتىنا سٸلتەمە جاساپ.
تٷركييا بۇۇ-عا ەلدٸڭ اتىن شەت تٸلدەرٸندە جازۋدى ٶزگەرتۋ تۋرالى رەسمي ٶتٸنٸش بەردٸ. بۇل تۋرالى تٷركييا سٸم باسشىسى مەۆليۋت چاۆۋشوگلۋ ٶزٸنٸڭ Twitter-دەگٸ رەسمي پاراقشاسىندا ايتتى.
ديپلومات بۇل جاڭالىق انكارانىڭ حالىقارالىق ارەناداعى بەدەلٸن ارتتىرۋعا باعىتتالعان قادامدارى اياسىندا قابىلدانعانىن اتاپ ٶتتٸ.
"پرەزيدەنت رەجەپ تايىپ ەردوعاننىڭ باسشىلىعىمەن ەلدٸڭ بەدەلٸن كٶتەرۋ ٷشٸن باستالعان پروتسەسس اياقتالۋعا جاقىن. بٷگٸن بۇۇ باس حاتشىسىنىڭ اتىنا جولداعان حاتىم بويىنشا, ەلٸمٸزدٸڭ اتىن بۇۇ-دا شەت تٸلدەرٸندە Türkiye دەپ تٸركەيمٸز. تەك جاقسىلىققا باستاسىن!", - دەپ جازدى چاۆۋشوگلۋ.
وسىلايشا, بۇدان بىلاي Turkiye ("تۋركييە") اتاۋى بارلىق حالىقارالىق فورۋمدا جەنە رەسمي قۇجاتتا قولدانىلادى. بۇرىن Turkey, Turkei, Turquie دەپ جازىلعان.
