Túrkiianyń batysyndaǵy Iýnýseli áýejaiynyń mańynda ushaq apatqa ushyrady, zardap shekkender bar, dep habarlaidy QazAqparat Haber saityna silteme jasap.
«Túrkiianyń Býrsa provintsiiasynyń Osmanǵazi aýdanyndaǵy turǵyn úilerdiń arasyna motorly oqý-jattyǵý ushaǵy qulady. Ushaq qulaǵan sátte birden órt paida boldy. Jattyǵý tehnikasynyń ushqyshy men kýrsanty oqiǵa ornynda kóz jumdy. Basqa qaza tapqandar men zardap shekkender týraly habar joq», - dep jazdy sheteldik aqparat kózi.
Ushaq kýrsanttardyń oqý baǵdarlamasy aiasynda Iýnýseli áýejaiynan ushyp, az ýaqyttan keiin atalǵan eldi mekenge qulaǵan. Tótenshe oqiǵanyń saldarynan osy aýdanda ornalasqan abattandyrylǵan úiler buzylyp, turaqqa qoiylǵan kólikter de zardap shekti.
Mamandardyń aitýynsha, áýe kemesi tehnikalyq aqaýlarynyń saldarynan da qulap ketý yqtimaldyǵy bar. Oqiǵanyń mán-jaiy tergelý barysynda. Apat orny politsiiamen qorshalǵan, onda órt sóndirýshiler, qutqarý qyzmetiniń mamandary men jedel meditsinalyq járdem brigadalary jumys istep jatyr.
