تٷركييانىڭ باتىسىنداعى يۋنۋسەلي ەۋەجايىنىڭ ماڭىندا ۇشاق اپاتقا ۇشىرادى, زارداپ شەككەندەر بار, دەپ حابارلايدى قازاقپارات Haber سايتىنا سٸلتەمە جاساپ.
«تٷركييانىڭ بۋرسا پروۆينتسيياسىنىڭ وسمانعازي اۋدانىنداعى تۇرعىن ٷيلەردٸڭ اراسىنا موتورلى وقۋ-جاتتىعۋ ۇشاعى قۇلادى. ۇشاق قۇلاعان سەتتە بٸردەن ٶرت پايدا بولدى. جاتتىعۋ تەحنيكاسىنىڭ ۇشقىشى مەن كۋرسانتى وقيعا ورنىندا كٶز جۇمدى. باسقا قازا تاپقاندار مەن زارداپ شەككەندەر تۋرالى حابار جوق», - دەپ جازدى شەتەلدٸك اقپارات كٶزٸ.
ۇشاق كۋرسانتتاردىڭ وقۋ باعدارلاماسى اياسىندا يۋنۋسەلي ەۋەجايىنان ۇشىپ, از ۋاقىتتان كەيٸن اتالعان ەلدٸ مەكەنگە قۇلاعان. تٶتەنشە وقيعانىڭ سالدارىنان وسى اۋداندا ورنالاسقان اباتتاندىرىلعان ٷيلەر بۇزىلىپ, تۇراققا قويىلعان كٶلٸكتەر دە زارداپ شەكتٸ.
مامانداردىڭ ايتۋىنشا, ەۋە كەمەسٸ تەحنيكالىق اقاۋلارىنىڭ سالدارىنان دا قۇلاپ كەتۋ ىقتيمالدىعى بار. وقيعانىڭ مەن-جايى تەرگەلۋ بارىسىندا. اپات ورنى پوليتسييامەن قورشالعان, وندا ٶرت سٶندٸرۋشٸلەر, قۇتقارۋ قىزمەتٸنٸڭ ماماندارى مەن جەدەل مەديتسينالىق جەردەم بريگادالارى جۇمىس ٸستەپ جاتىر.
