Adana ákimshilik ǵimaraty aldynda órt sóndirý jumystary júrip jatqan sát. 24 qarasha 2016 jyl.
24 qarashada Túrkiianyń Adana qalasyndaǵy ákimshilik ǵimaratynyń aldynda kólik jarylyp, kem degende eki adam qaza tapqan. 16 adam jaraqat alǵan. El biligi jarylys tańerteńgilik ýaqytta bolǵanyn habarlady.
Adana gýbernatory Mahmýt Demirtash jergilikti Anadolu aqparat agenttigine oqiǵa terakti bolýy múmkin ekenin aitqan. Demirtashtyń sózinshe, jarylysty ákimshilik ǵimaraty aldynda áiel adam jasaǵan.
Túrkiianyń Eýroodaq isi boiynsha ministri Omer Chelik bul jarylysty "terakt" dep atap, "Túrkiia terrorizmmen kúresti jalǵastyra beretinin" málimdedi.
Túrkiiada shildede iske aspai qalǵan memlekettik tóńkeris áreketinen soń tótenshe jaǵdai jariialanǵan.
"Azattyq"
