Túrkiialyq TAV Airports Holding kompaniiasy óziniń seriktesterimen birge Almatynyń halyqaralyq áýejaiynyń júz paiyz aktsiiasyn satyp aldy. Kelisim quny - 415 million dollar. Bul týraly kompaniianyń resmi saity habarlady.
«Qazaqstan geografiialyq jaǵynan da, ekonomikalyq jaǵynan da iri el. Almaty – ishki jalpy ónimniń 20 paiyzy tutynylatyn úlken qala. Odan basqa «zamanaýi Jibek jolynyń», iaǵni, Qytai, Eýropa, Afrikany bailanystyryp turǵan iri ortalyq. Onyń áleýeti zor. Biz ózimizdiń bilimimizge súienip, is-áreketterdi júzege asyratyn bolamyz», - deidi holdingtiń prezidenti jáne abs direktory Sani Shener.
Almaty áýejaiy túrik kompaniiasynyń portfelindegi 15-aeroport bolmaq. Kompaniianyń málimetinshe, TAV Airports holdinginiń konsortsiýmdegi úlesi 75 paiyzdy quraidy. Aktsiia barlyq zań protsedýrasy aiaqtalǵan soń berilmek.
Áýejai aktsiiasyn 2011 jyly Niderland eliniń Venus Airport Investments B.V kompaniiasy satyp alyp, sodan beri qyzmet kórsetip kelgen. 2011 jylǵa deiin Almaty áýejaiynyń aktsiiasyn qazaqstandyq Meridian Capital (50%) jáne Sat Infosystems (50%) ielengen.
TAV Airports dereginshe, Almaty áýejaiy 2019 jyly 6,4 million jolaýshyǵa qyzmet kórsetken. Bul 2018 jylmen salystyrǵanda 13 paiyzǵa kóp. Áýejai Air Astana, SCAT, FlyArystan jáne Qazaq Air kompaniiasynyń bazasy sanalady.
TAV Airports Túrkiianyń Antalia, Ankara, Izmir, Bodrým, Alaniia qalasyndaǵy áýejailardy, Grýziianyń Tbilisi men Batýmidegi, Týnistegi, Makedoniiadaǵy Skope, Ohridtegi, Saýd Arabiiasynyń Medinadaǵy, Horvatiianyń Zagrebtegi aeroporttardy basqarady.
