Foto: primeminister.kz
Memleket basshysynyń tapsyrmasyna sáikes, joiqyn jer silkinisi saldarynan zardap shekken Túrkiia Respýblikasyna gýmanitarlyq kómek retinde $1 mln bólindi. Qazaqstan Úkimeti tiisti Qaýlyny qabyldady, dep habarlaidy "Ult aqparat" primeminister.kz saityna silteme jasap.
"Qarjy ministrligine Qazaqstan Respýblikasy jáne basqa da memleketterdiń aýmaǵynda tabiǵi jáne tehnogendik sipattaǵy tótenshe jaǵdailardy joiý úshin 2023 jylǵa arnalǵan respýblikalyq biýdjette kózdelgen QR Úkimetiniń tótenshe rezervinen Syrtqy ister ministrligine bir million AQSh dollaryn bólý tapsyryldy" - delingen resmi habarlamada.
Óz kezeginde, syrtqy saiasi vedomstvo atalǵan qarajatty zańnamada belgilengen tártippen túrik tarapynyń arnaiy shotyna aýdarýǵa tiis.
Qaýly qol qoiylǵan kúninen bastap qoldanysqa engiziledi.
