GETTY IMAGES
Túrkiiadaǵy jalpy sailaý alty aidan bir jylǵa deiin shegerilýi múmkin, - dep habarlaidy Tengrinews.kz saity Habertürk basylymyna silteme jasap.
Basylym málimetinshe, eldiń basqarýshy partiiasy aýqymdy jer silkinisi jaǵdaiynda bul máselege baiyppen qaraidy.
"Sailaý týraly sheshim qabyldanady. Sodan keiin Joǵarǵy sailaý komissiiasy jer silkinisiniń saldaryna bailanysty sailaý ótkizý is júzinde múmkin bolmai turǵanyn aityp, sailaýdy keiinge qaldyrýdy suraidy", - delingen mátinde.
Basylym sailaýdy keiinge qaldyrý kún tártibinde turǵanyn, óitkeni jer silkinisine qatysty qazirgi jaǵdai osyǵan deiingi sailaýdy nátijesiz etkenin atap ótti.
Maqala avtory Fatiha Altailynyń aitýynsha, sailaýdy keiinge qaldyrý úshin bilik Konstitýtsiialyq sottyń osyǵan uqsas jaǵdaiǵa qatysty eski sheshimderiniń birin paidalanady.
