Túrkiianyń batysynda bolǵan zilzala qurbandarynyń sany 115 adamǵa jetti, dep habarlaidy Anadoly agenttigi.
Bul týraly Túrkiia úkimeti janyndaǵy tótenshe jaǵdailardyń aldyn alý jáne saldaryn joiý basqarmasy (AFAD) resmi málimet taratty.
Vedomstvonyń aqparatyna sensek, 30 qazandaǵy jer silkinisinen keiin jalpy sany 2846 aftershok tirkelgen. Onyń ishinde 46 jaǵdaida jerasty dúmpýiniń magnitýdasy 4 baldan asqan.
Zilzala saldarynan 115 adam qaza bolyp, 1 035 adam jaraqat alǵan. Onyń shinde 1011 turǵyn meditsinalyq kómek kórsetilgen soń úiine jiberilgen, 23 adam emdelip jatyr.
Izmirdegi qiraǵan ǵimarattardyń bárinde izdeý-qutqarý jumystary aiaqtaldy.
Eske sala keteiik, 30 qazanda Izmir provintsiiasy Egei teńiziniń jaǵalaýynda magnitýdasy 6,9 baldyq jer silkinisi bolǵan edi.
