Foto: © Sputnik / Varvara Gerte
Túrkiiada jol apatynan zardap shekken taǵy bir qazaqstandyq kóz jumdy, dep habarlaidy "Ult aqparat" Syrtqy ister ministrliginiń baspasóz qyzmetine silteme jasap.
«Túrik dárigerleriniń aqparatyna sáikes, keshe túnde taǵy bir Qazaqstan azamaty Alaniia memlekettik emhanasynda qaitys boldy.
Qazirgi ýaqytta qaitys bolǵan azamatymyzdyń týystary emhanada. Olarǵa qajetti kómek kórsetilip jatyr. Qujattardy resimdegennen keiin marqumnyń denesi Qazaqstanǵa jiberiledi», - deidi QR SIM ókili.
Eske sala keteiik, buǵan deiin jol apatyna ushyraǵan qazaqstandyqtardyń biri aýrýhanada kóz jumǵany habarlanǵan bolatyn. Jerlesimizdiń denesi Qazaqstanǵa jetkizildi.
