© AP Photo / Khalil Hamra
Túrkiianyń Gaziantep provintsiiasyndaǵy jer silkinisinen qatty zardap shekken Nurdaǵy qalasy tolyq súriledi. Bul týraly gýbernatordyń mindetin atqarýshy Osman Bilgin málimdedi, - dep habarlaidy Massaget.kz portaly NTV telearnasyna silteme jasap.
Sheneýnik qazir izdeý-qutqarý jumystary úiindilerdiń astynda adamdar bolýy múmkin sońǵy segiz úide júrgizilip jatqanyn aitty.
"Biz úlken apatty bastan ótkerdik. Qala qurylysy ministri Kýrýmmen birge sheshim qabyldadyq, barlyq qoqysty tazalap, qalany tolyq súremiz, 100 paiyz. Qala qaita salynady", - dedi Bilgin.
Jergilikti BAQ málimetinshe, qalada keminde 40 myń adam ómir súrgen.
Eske salaiyq, buǵan deiin 6 aqpanda Túrkiianyń ortalyǵy men ońtústik-shyǵysynda, Siriiamen shekaralas jerde joiqyn jer silkinisi bolǵany habarlanǵan edi. AQSh Geologiialyq qyzmeti málimetinshe, 7,8 baldyq jer silkinisi jergilikti ýaqyt boiynsha saǵat 04:17-de Gaziantep mańynda 17,9 shaqyrym tereńdikte tirkelgen. Sondai-aq, Túrkiianyń ár jerinde turǵyn úiler men tarihi Gaziantep bekinisi qirady. Al Italiiada Túrkiiadaǵy jer silkinisinen keiin tsýnami qaýpi eskertildi.
