Foto: Anadolu
Túrkiia jer silkinisi saldarynan qansha aqsha joǵaltýy múmkin ekeni esepteldi, - dep habarlaidy Tengrinews.kz tilshisi Túrkiia kásipkerlik jáne biznes konfederatsiiasy (Turkonfed) esebine silteme jasap.
Turkonfed boljamy boiynsha, jer silkinisi turǵyn úilerge shamamen 70,8 milliard dollar kóleminde shyǵyn ákelgen, biýdjet kiristeriniń tómendeýine bailanysty taǵy 10,4 milliard dollar shyǵyn eseptelgen.
Sonymen qatar, uiym jumys kúshiniń joǵalýy Túrkiia ekonomikasyna 2,9 milliard dollar shyǵyn ákeledi dep málimdedi. Túrkiianyń infraqurylymyna, sonyń ishinde joldar men elektr jelilerine, aýrýhanalar men mektepterge keltirilgen zalal eldiń biýdjet tapshylyǵynyń biylǵy JIÓ-niń 5,4 paiyzynan asyp ketýine ákelýi múmkin, bul resmi boljam - 3,5 paiyz.
Turkonfed esepteýleri 1999 jyly Ystambul mańynda bolǵan jáne 18 myńǵa jýyq adamnyń ómirin qiǵan jer silkinisiniń nátijelerine negizdelgen. Keiingi jer silkinisteriniń shyǵyny 1999 jylǵy jer silkinisinen áldeqaida asyp tústi jáne ondaǵan myń adam habar-osharsyz ketti.
Bul rette jer silkinisiniń saldaryn qorytyndylaý áli erte bolǵandyqtan, kez kelgen esepteýlerdi túpkilikti dep sanaýǵa bolmaityny atap ótiledi.
