Túrkiianyń shyǵysynda kóshkin kezinde kem degende bes adam qaza tapty. Bul týraly NTV telearnasy habarlady.
Oqiǵa 4 aqpan keshkisin Van-Bahchesarai tasjolynda Van provintsiiasynda bolǵan. Jolda qar tazalaityn kólik jumys istegen, onyń artynan jolaýshylar mingen avtobýs kele jatqan. Kenetten taýda kóshkin júrip, qar tazalaityn tehnikany kómip qalǵan jáne shaǵyn avtobýsty 40 metrlik jardan qulatyp jibergen.
Aldyn ala derek boiynsha, jolaýshylar kóliginde 10-15 adam bolǵan. Provintsiia gýbernatory Mehmet Emin Bilmezdiń aitýynsha, qutqarýshylar tórt jolaýshynyń máiitin tapqan jáne qar úiindisiniń astynan bes adamdy qutqaryp qalǵan.
Bilmez keiinirek taǵy eki adamnyń qutqarylǵanyn, olardyń biri alǵan jaraqatynan kóz jumǵanyn habarlady. Bilik qar astynda taǵy da adamdar bar dep esepteidi. Qutqarý operatsiiasyna 200 adam qatysyp jatyr.
Qar tazalaityn kólik júrgizýshisiniń aitýynsha, avtobýsta balalar bolǵan.
