تٷركييانىڭ شىعىسىندا كٶشكٸن كەزٸندە كەم دەگەندە بەس ادام قازا تاپتى. بۇل تۋرالى NTV تەلەارناسى حابارلادى.
وقيعا 4 اقپان كەشكٸسٸن ۆان-باحچەساراي تاسجولىندا ۆان پروۆينتسيياسىندا بولعان. جولدا قار تازالايتىن كٶلٸك جۇمىس ٸستەگەن, ونىڭ ارتىنان جولاۋشىلار مٸنگەن اۆتوبۋس كەلە جاتقان. كەنەتتەن تاۋدا كٶشكٸن جٷرٸپ, قار تازالايتىن تەحنيكانى كٶمٸپ قالعان جەنە شاعىن اۆتوبۋستى 40 مەترلٸك جاردان قۇلاتىپ جٸبەرگەن.
الدىن الا دەرەك بويىنشا, جولاۋشىلار كٶلٸگٸندە 10-15 ادام بولعان. پروۆينتسييا گۋبەرناتورى مەحمەت ەمين بيلمەزدٸڭ ايتۋىنشا, قۇتقارۋشىلار تٶرت جولاۋشىنىڭ مەيٸتٸن تاپقان جەنە قار ٷيٸندٸسٸنٸڭ استىنان بەس ادامدى قۇتقارىپ قالعان.
بيلمەز كەيٸنٸرەك تاعى ەكٸ ادامنىڭ قۇتقارىلعانىن, ولاردىڭ بٸرٸ العان جاراقاتىنان كٶز جۇمعانىن حابارلادى. بيلٸك قار استىندا تاعى دا ادامدار بار دەپ ەسەپتەيدٸ. قۇتقارۋ وپەراتسيياسىنا 200 ادام قاتىسىپ جاتىر.
قار تازالايتىن كٶلٸك جٷرگٸزۋشٸسٸنٸڭ ايتۋىنشا, اۆتوبۋستا بالالار بولعان.
