Ushqyshsyz basqarylatyn Bayraktar TB3 jańa apparaty áýede basqalaryna qaraǵanda uzaǵyraq, iaǵni 50 saǵatqa deiin usha alady. Seisenbi kúni T3 qorynyń basshysy Seldjýk Bairaktar Baký qalasynda tilshilerge jańa ushqyshsyz basqarylatyn apparattardyń shyǵarylýy týraly baiandap berdi, dep habarlaidy QazAqparat Anadoly aqparat agenttigine silteme jasap.
«Qazirgi ýaqytta qysqa ushý-qoný jolaqtarynda ushyp-qonatyn Bayraktar TB-3 prototipin jetildirý jumystary júrgizilýde. Bayraktar TB3 alǵashqy ushýyn 2022 jyldyń basynda jasaidy dep úmittenemiz», - dedi Bairaktar. Onyń aitýynsha, jańa Bayraktar TB3 ushqyshsyz ushatyn apparattaryn ázirleýge Ázirbaijannyń mamandary da qatysýda. T3 qorynyń basshysy Bayraktar TB-2-ni óz klasyndaǵy eń úzdigi dep atady.
«Qarabaqty azat etý úshin júrgizilgen soǵystyń qorytyndysy boiynsha Túrkiiada jasalǵan ushqyshsyz ushý apparattaryna qyzyǵýshylyq kúrt artty. Bul ushqyshsyz ushý apparattary urys dalasynda ǵana emes, órtti sóndirýge, jer silkinisiniń saldaryn joiýǵa da kómektese alady», - dedi ol.
