ۇشقىشسىز باسقارىلاتىن Bayraktar TB3 جاڭا اپپاراتى ەۋەدە باسقالارىنا قاراعاندا ۇزاعىراق, ياعني 50 ساعاتقا دەيٸن ۇشا الادى. سەيسەنبٸ كٷنٸ T3 قورىنىڭ باسشىسى سەلدجۋك بايراكتار باكۋ قالاسىندا تٸلشٸلەرگە جاڭا ۇشقىشسىز باسقارىلاتىن اپپاراتتاردىڭ شىعارىلۋى تۋرالى بايانداپ بەردٸ, دەپ حابارلايدى قازاقپارات انادولى اقپارات اگەنتتٸگٸنە سٸلتەمە جاساپ.
«قازٸرگٸ ۋاقىتتا قىسقا ۇشۋ-قونۋ جولاقتارىندا ۇشىپ-قوناتىن Bayraktar TB-3 پروتوتيپٸن جەتٸلدٸرۋ جۇمىستارى جٷرگٸزٸلۋدە. Bayraktar TB3 العاشقى ۇشۋىن 2022 جىلدىڭ باسىندا جاسايدى دەپ ٷمٸتتەنەمٸز», - دەدٸ بايراكتار. ونىڭ ايتۋىنشا, جاڭا Bayraktar TB3 ۇشقىشسىز ۇشاتىن اپپاراتتارىن ەزٸرلەۋگە ەزٸربايجاننىڭ ماماندارى دا قاتىسۋدا. T3 قورىنىڭ باسشىسى Bayraktar TB-2-نٸ ٶز كلاسىنداعى ەڭ ٷزدٸگٸ دەپ اتادى.
«قاراباقتى ازات ەتۋ ٷشٸن جٷرگٸزٸلگەن سوعىستىڭ قورىتىندىسى بويىنشا تٷركييادا جاسالعان ۇشقىشسىز ۇشۋ اپپاراتتارىنا قىزىعۋشىلىق كٷرت ارتتى. بۇل ۇشقىشسىز ۇشۋ اپپاراتتارى ۇرىس دالاسىندا عانا ەمەس, ٶرتتٸ سٶندٸرۋگە, جەر سٸلكٸنٸسٸنٸڭ سالدارىن جويۋعا دا كٶمەكتەسە الادى», - دەدٸ ول.
