Foto: SHOT telegram-arnasynan
Túrkiianyń tanymal týristik kýrorty Kemerde orman órtke orandy. Qyzyl jalyn Gioiniýk aýylyndaǵy qonaqúilerge jaqyndai bastaǵan. Bul týraly reseilik týrister Telegram-arnalarda habarlady, - dep jazady Tengri Travel portaly.
Órt Antaliadan birneshe shaqyrym jerden de kórinip tur. Qyzyl jalyn jel saldarynan tez tarap, birneshe aýyldyq okrýgke jaqyndai bastaǵan. Orman massivi órtke oranyp jatyr.
Mirada del mar qonaqúiine ornalasqan týristiń sózinshe, qyzmetkerler órtke qatysty alańdaýshylyq bildirip te, qonaqtardy evakýatsiialap ta jatqan joq. Epitsentrge jaqyn qonaqúilerdegi jaǵdai qandai ekeni belgisiz. Týristik chattardaǵy málimet boiynsha, órt shyqqan jerge balalar lageri jaqyn ornalasqan.
Túrik BAQ-tarynyń málimetinshe, órt brigadasy Antalianyń úsh aýdanynda jáne Manisa, Kahramanmarash provintsiialarynda órtti sóndirýge bar kúshterin salyp jatyr.
El prezidenti Rejep Taiyp Erdoǵannyń sózinshe, órtti sóndirýge 24 ushaq, 100 tikushaq jáne 25 myń órtsóndirýshi jumyldyrylǵan.
