Keshe Túrkiiada eldiń Konstitýtsiiasyna ózgerister engizý týraly referendým aiaqtaldy. Sailaý ýchaskeleri jeksenbi kúni jergilikti ýaqyt boiynsha 17.00-de jabyldy.
Eldiń Joǵary sailaý komissiiasynyń sheshimine sáikes, 32 shyǵys óńirindegi daýys berý protsesi 7.00-de bastalyp, 16.00-de aiaqtaldy. Ózge óńirlerde daýys berý 8.00-den 17.00-ge deiin júrgizildi.
Sailaýshylardyń qatysýy 86,5 paiyzdy qurady - bul Túrkiia tarihyndaǵy eń joǵary kórsetkish. Tutastai alǵanda, el boiynsha 167 140 sailaý ýchaskesi ashyldy. Túriktiń Ystanbul, Izmir, Ankara, Antaliia siiaqty negizgi megapolisteriniń turǵyndary eldiń basty qujatyna ózgeris engizýge qarsy daýys berdi. 13 óńirde Túrkiia Konstitýtsiiasyn ózgertýge qoldaý bildirildi.
Konstitýtsiiaǵa usynylǵan ózgertýlerde basqarýdyń prezidenttik formasyna ótýdi iske asyratyn normalar qarastyrylǵan. Parlament depýtattary sanyn 550-den 600-ge deiin kóbeitý, al parlamentke sailaný úshin jas shegin 25-ten 18 jasqa deiin tómendetý usynylǵan. Túrkiianyń Uly ulttyq májilisiniń (parlament) sailaýy jáne prezident sailaýy bes jylda bir ret jáne bir kúni ótkiziledi. Belgili túrik saiasattanýshysy, Ortalyq Aziia boiynsha sarapshy Kiýrshada Zorlýdyń aitýynsha, Túrkiiada biylǵy jyldyń qarasha nemese jeltoqsan aiynda merziminen buryn sailaý ótkizilýi múmkin.
«Daýystardyń kópshiligi sanaldy. Nátijesinde 51% «IÁ» depjáne 49 % «JOQ» dep daýys berdi. Bul nátije quqyqtyq jaǵynan Túrkiiadaǵy saiasi jáne atqarýshy bilik júiesinde alda ózgerister bolatynyn bildiredi. Birneshe terroristik uiymmen kúres júrgizilip jatqan mańyzdy kezeńde bul ózgerister memleket damýyna aitarlyqtai áserin tigizbek. Alaida, bastapqy kezeńde ótkizilgen referendýmnyń saiasi legitimdiligi týraly pikirtalastar bastalýy múmkin. Óz basym Konstitýtsiiany ózgertýge qarsylar daýystardy sanaý júiesine qysym kórsetetinine senimdimin, óitkeni kóptegen biýlletender tiisti mórsiz shyǵarylǵan. Mundai Túrkiiadaǵy sailaýda alǵash ret qoldanylyp otyr».
Saiasattanýshynyń pikirinshe, búgingi bilik júiesin ózgertý úshin jaqtaýshylar sany kóbirek bolý kerek, iaǵni «Qoldaimyn» degen sailaýshylar úlesi 65 %-dan kem bolmaýy qajet. Kiýrshad Zorlý áleýmettik kelisimge tek kópshiliktiń qoldaýymen ǵana qol jetkizýge bolady dep esepteidi.
«Aldaǵy eki jylda Túrkiiany birneshe sailaý kútip turǵanyna senimdimin. Óz partiiasymen bailanysyn kúsheitkisi keletin Erdoǵan parlamenttegi Ádildik Partiiasy kadrlaryn jańartýdy kózdeidi», - dep atap ótti sarapshy.
