Túrkiiada kúlli túrki jurtyna ortaq tulǵa Kóroǵlynyń eskertkishi boi kóterdi. Týyndyny qazaqstandyq sheberler jasady, dep habarlaidy «Habar 24» arnasy.
Eskertkish Túrkiianyń Bolý qalasyna úshke bólshektelip jetkizildi. Aýmaǵy 5 myń sharshy metrdi alyp jatqan Kóroǵly saiabaǵyna ornatylǵan alyp músinniń biiktigi 70 metr. Jalpy Bolý qalasynyń ózi teńizden 700 metrdei joǵary tur. Sondyqtan kók tiregen tarihi eskertkishti qalanyń qai qiyrynan da kórýge bolady.
Eske sala keteiik, Atalǵan músinge 2016 jyly halyqaralyq baiqaý jariialanyp, oǵan 7 memleketten 9 úmitker qatysqan bolatyn.
Halyqaralyq ádilqazylar alqasynyń sheshimimen eskertkishti qazaqstandyq músinshi Murat Mansurov jasaityn bolǵan. Jobanyń annotatsiiasyn belgili aqyn, jazýshy Oljas Súleimenov jazdy.
Aita ketsek, elimizge belgili músinshi Murat Mansurov kóptegen otandyq týyndylardyń avtory, atap aitqanda, «Máńgilik El» monýmenti (Astana, 2011 jyl), Qazaq handyǵynyń 550 jyldyǵyna arnalǵan monýment, (Taraz, 2015 jyl), Batyrhan Shúkenovke arnalǵan eskertkish (Qyzylorda, 2018 jyl), Keńes Odaǵynyń Batyry Mánshúk Mámetova arnalǵan eskertkish (Astana, 2018 jyl) jáne taǵy basqalar.
