تٷركييادا كٷللٸ تٷركٸ جۇرتىنا ورتاق تۇلعا كٶروعلىنىڭ ەسكەرتكٸشٸ بوي كٶتەردٸ. تۋىندىنى قازاقستاندىق شەبەرلەر جاسادى, دەپ حابارلايدى «حابار 24» ارناسى.
ەسكەرتكٸش تٷركييانىڭ بولۋ قالاسىنا ٷشكە بٶلشەكتەلٸپ جەتكٸزٸلدٸ. اۋماعى 5 مىڭ شارشى مەتردٸ الىپ جاتقان كٶروعلى ساياباعىنا ورناتىلعان الىپ مٷسٸننٸڭ بيٸكتٸگٸ 70 مەتر. جالپى بولۋ قالاسىنىڭ ٶزٸ تەڭٸزدەن 700 مەتردەي جوعارى تۇر. سوندىقتان كٶك تٸرەگەن تاريحي ەسكەرتكٸشتٸ قالانىڭ قاي قيىرىنان دا كٶرۋگە بولادى.
ەسكە سالا كەتەيٸك, اتالعان مٷسٸنگە 2016 جىلى حالىقارالىق بايقاۋ جارييالانىپ, وعان 7 مەملەكەتتەن 9 ٷمٸتكەر قاتىسقان بولاتىن.
حالىقارالىق ەدٸلقازىلار القاسىنىڭ شەشٸمٸمەن ەسكەرتكٸشتٸ قازاقستاندىق مٷسٸنشٸ مۇرات مانسۇروۆ جاسايتىن بولعان. جوبانىڭ اننوتاتسيياسىن بەلگٸلٸ اقىن, جازۋشى ولجاس سٷلەيمەنوۆ جازدى.
ايتا كەتسەك, ەلٸمٸزگە بەلگٸلٸ مٷسٸنشٸ مۇرات مانسۇروۆ كٶپتەگەن وتاندىق تۋىندىلاردىڭ اۆتورى, اتاپ ايتقاندا, «مەڭگٸلٸك ەل» مونۋمەنتٸ (استانا, 2011 جىل), قازاق حاندىعىنىڭ 550 جىلدىعىنا ارنالعان مونۋمەنت, (تاراز, 2015 جىل), باتىرحان شٷكەنوۆكە ارنالعان ەسكەرتكٸش (قىزىلوردا, 2018 جىل), كەڭەس وداعىنىڭ باتىرى مەنشٷك مەمەتوۆا ارنالعان ەسكەرتكٸش (استانا, 2018 جىل) جەنە تاعى باسقالار.
