QR SIM qazaqstandyq otbasynyń Túrkiiada qalǵan eki ailyq sábiiniń artynan sanaviatsiia ushaǵyn jiberýge daiyn, dep habarlaidy QazAqparat tilshisi.
Vedomstvo málimetinshe, Vasilevter otbasynyń máselesin syrtqy ister ministrligi óz baqylaýyna alǵan.
«Qazir Túrkiiadaǵy klinika ákimshiligimen qyzmet baǵasyn azaitý úshin mámilege kelip jatyrmyz. Túrik dárigerler keńesi sábidi tasymaldaý máselesin jaqyn arada sheshý kerek. Eger olar balanyń reis ushaǵyn kóteretin jaǵdaiy bar dese, sondai-aq arnaiy bort qajettiligin aitsa sanaviatsiia ushaǵyn jiberemiz»,-dedi QR SIM resmi ókili Aibek Smadiiarov.
Óz kezeginde sábidiń anasy belgisiz jomarttyń qolyna 20 myń dollar ustatqanyn aitty.
«Qazir men qyzymdy elge qaitarý úshin syrtqy ister ministrligimen kelisimge kelip jatyrmyn. Budan basqa eshteńe aita almaimyn. Túrkiia konsýldyǵymen sóilesýdemin. Maǵan qyzymnyń jaǵdaiyn bilý mańyzdyraq. Meniń belgisiz adamnan 20 myń dollar alǵanym ras», - dedi Daria Vasileva.
Eske salaiyq, almatylyq Daria Vasileva nárestesin Túrkiiada ýaqytynan erte dúniege ákelgen. Salmaǵy 750 gramm bolyp týǵan qyz balany bosanǵan klinikaǵa bereshegi úshin qaldyrǵan. Sábiin tastap qaityp kelgen ata-ana ushaq reisiniń taiap, onyń ústine aqshasyz qalǵanyn aityp aqtalady. 25 shilde kúni olardyń qaryzy 15 myń AQSh dollaryna jetken.
