Foto: Anas Alkharboutli/picture alliance via Getty Images
Túrkiia prezidenti Rejep Taiyp Erdoǵan eldiń ońtústik-shyǵysyndaǵy jer silkinisinen myńdaǵan adamnyń qaza tabýyna bailanysty ulttyq aza tutý týraly jariialady. Ol 12 aqpanǵa deiin jalǵasady, dep habarlaidy Azattyq Ruhy portaly.
«Elimizde bolǵan jer silkinisterine bailanysty jeti kúndik ulttyq aza tutý jariialandy. Bizdiń jalaýlarymyz memlekettiń barlyq aýmaǵynda jáne sheteldik ókildikterde 12 aqpanda kún batqanǵa deiin túsiriledi», - delingen qujatta.
Qazir Túrkiiada bolǵan jer silkinisinen 1651 adamnyń qaza tapqany resmi túrde rastaldy. Taǵy 11,1 myń azamat zardap shekti. Sonymen qatar 3471 ǵimarat qiraǵan.
Seismologtar 7,7 balldyq jer silkinisin 6 aqpanda jergilikti ýaqyt boiynsha 04:17-de Siriia shekarasyna jaqyn ornalasqan Túrkiianyń Gaziantep qalasynyń mańynda 17,9 km tereńdikte tirkedi. Tótenshe jaǵdai qyzmetteri joǵary daiyndyq rejimine aýystyryldy.
Keiinirek Túrkiianyń ortalyq bóliginde 7,7 balldyq jer silkinisi boldy. Jer asty dúmpýleri Diiarbakyr, Shanlyýrf, Ankara jáne Adanada sezilgen.
