Elimizge arnaiy saparmen kelgen Túrkiia Respýblikasy Joǵarǵy sotynyń tóraǵasy Ismail Riýshtiý Djirit bastaǵan delegatsiia ókilderi Otyrar aýdany men Túrkistandy aralady, dep habarlaidy Ult.kz tilshisi QazAqparat agenttigine silteme jasap.
Qazaqtyń rýhani astanasy ári qasietti ólkesine taban tiregen Túrkiia Joǵary kassatsiialyq sotynyń Bas respýblikalyq prokýrory Mehmet Akardja men Túrkiianyń Ádilet ministriniń orynbasary Shaban Iylmaz, sondai-aq birqatar sýdialar men prokýratýra jáne ádilet organdarynyń ókilderi Arystanbab kesenesine ziiarat jasap, tarihi tulǵalar rýhyna taǵzym etti.
Əbý Nasyr əl - Farabi, Beibarys Sultan babalardyń topyraǵy qoiylǵan qulpytas belgisiniń basyna quran baǵyshtady. Túrik delegattary kónermes mura bolyp qattalǵan tulǵalardyń ómir tarihy, derekteri jóninde maǵlumat aldy.
Arystan baba ərýaǵyna quran baǵyshtaýǵa asyǵa jetken resmi qonaqtardy Otyrar aýdanynyń əkimi Erlan Aitahanov qushaq jaia qarsy alyp, qoinaýy tarihqa tunǵan ordaly Otyrardyń meimandostyǵy men berekeli, merekeli qasietin kórsetti. Aýdan tarihynan syr shertetin qundy jádigerlermen jasaqtalǵan shejireli kórmeni tanystyrǵan aýdan basshysy ólkeniń órkenietti beinesin tanytatyn qolóner buiymdaryn qonaqtarǵa estelikter retinde syiǵa tartty.
Ólkeniń ólsheýsiz qadir-qasieti men taǵylymdy tarihyn kózben kóre júrip qanyqqan baýyrlas el delegattary alǵystaryn bildirse, Ismail Djirit myrzanyń da eki týysqan memlekettiń tarihy, mádenieti men ulttyq tamyrynyń ortaqtyǵy, baýyrlastyqtyń shynaiy qonaqjailylyqpen dəriptelýi asa qatty tebirenis syilaǵanyn jasyrmady.
Odan keiin Túrkiianyń sýdialary men prokýrorlarynan quralǵan delegatsiia «Áziret Sultan» mýzeiine keldi. Sheteldik qonaqtar «Áziret Sultan» memlekettik tarihi-mádeni qoryq-mýzeiine kelip, Qoja Ahmet Iasaýi kesenesine ziiarat jasady. Baýyrlas túrki elderiniń rýhani mekeninde babalar rýhyna taǵzym jasap, qoryq-mýzeidiń tynys-tirshiligi jəne jədigerlermen tanysyp, túrik tilinde mol maǵlumat alǵan delegatsiia músheleri kieli ólke qushaǵynda jinaqtalǵan ərbir tarihi dúnie bolashaq túrki eli urpaqtarynyń da maqtanyshy ekendigin jetkizdi.
