AQSh jáne Túrkiia delegatsiialary Ankaradaǵy kelissózder barysynda Siriiadaǵy Túrkiia Qarýly Kúshteri júrgizgen «Beibitshilik qainary» terrorizmge qarsy operatsiiasy 120 saǵatqa toqtatylatynyn málim etti, dep habarlaidy "Ult aqparat" «Anadoly» agenttigine silteme jasap.
«Biz qalaǵan nátijege qol jetkizdik», - dedi Túrkiia SIM basshysy Mevliýt Chavýshoglý.
Túrkiia men AQSh delegatsiialary YPG lańkesteriniń qolynda turǵan aýyr qarýdy jinaýǵa, sondai-aq, toptyń pozitsiiasy men bekinisterin joiýǵa kelisti. Chavýshoglý «Beibitshilik qainary» operatsiiasynyń toqtatylatyn málim etti.
AQSh vitse-prezidenti Maik Pens Túrkiia men AQSh delegatsiialarynyń Ankaradaǵy kelissózderinen keiin AQSh YPG terroristik uiymynyń Siriianyń soltústigindegi qaýipsizdik aýmaǵynan 120 saǵattyń ishinde shyǵarylýyn qamtamasyz etetinin málim etti.
«Bizdiń maqsatymyz – aldaǵy 120 saǵat ishinde YPG-ni shyǵarý. Atalmysh protsess bastalyp ketti», - dedi saiasatker.
Ol YPG Vashingtonǵa óz kúshterin aimaqtan shyǵarýǵa kepildik bergenin atap ketti.
Sondai-aq, Pens Túrkiia men AQSh Siriianyń soltústik-shyǵysyndaǵy DAISh-ty túpkilikti joiý máselesi boiynsha ortaq pikirge kelgenin atap ótti.
Vitse-prezidenttiń sózinshe, Vashington Ankaraǵa jańa sanktsiia salmaidy, al buǵan deiingi shekteýler atys toqtaǵannan keiin alynbaq.
"Túrkiiadan jaqsy habar!...Milliondaǵan adam aman qalatyn boldy" dep jazdy Tramp Twitter-degi paraqshasynda.
Erdoǵan buǵan deiin vitse-prezidentpen kezdesýdiń nátijeli bolatynyna kúmán bildirgen. Tipti Penspen kezdespeitinin de aityp qalǵan, biraq keiinnen josparyn ózgertti. Túrkiia prezidenti AQSh sanktsiiasynan da qoryqpaitynyn aitqan.
9 qazanda Túrkiia Siriia soltústiginde kúrdterge qarsy áskeri operatsiia bastaǵan. Ankara kúrd jasaqtaryn "terrorist" dep atap, Túrkiia aýmaǵyndaǵy separatisterge dem berdi dep aiyptaidy. Vashington kúrdterdi "Islam memleketi" terroristik tobymen kúreste odaqtas sanaidy. Bir aptadan astam ýaqyt ishinde Túrkiia men odaqtastary shekara mańyndaǵy biraz aýmaqty baqylaýyna aldy. Túrkiia shabýylynan qorǵanǵan kúrdter Damaskimen kelisim jasasyp, kúrdter shoǵyrlanǵan birneshe qala Siriia áskerileriniń baqylaýyna ótken.
