اقش جەنە تٷركييا دەلەگاتسييالارى انكاراداعى كەلٸسسٶزدەر بارىسىندا سيريياداعى تٷركييا قارۋلى كٷشتەرٸ جٷرگٸزگەن «بەيبٸتشٸلٸك قاينارى» تەرروريزمگە قارسى وپەراتسيياسى 120 ساعاتقا توقتاتىلاتىنىن مەلٸم ەتتٸ, دەپ حابارلايدى "ۇلت اقپارات" «انادولى» اگەنتتٸگٸنە سٸلتەمە جاساپ.
«بٸز قالاعان نەتيجەگە قول جەتكٸزدٸك», - دەدٸ تٷركييا سٸم باسشىسى مەۆليۋت چاۆۋشوگلۋ.
تٷركييا مەن اقش دەلەگاتسييالارى YPG لاڭكەستەرٸنٸڭ قولىندا تۇرعان اۋىر قارۋدى جيناۋعا, سونداي-اق, توپتىڭ پوزيتسيياسى مەن بەكٸنٸستەرٸن جويۋعا كەلٸستٸ. چاۆۋشوگلۋ «بەيبٸتشٸلٸك قاينارى» وپەراتسيياسىنىڭ توقتاتىلاتىن مەلٸم ەتتٸ.
اقش ۆيتسە-پرەزيدەنتٸ مايك پەنس تٷركييا مەن اقش دەلەگاتسييالارىنىڭ انكاراداعى كەلٸسسٶزدەرٸنەن كەيٸن اقش YPG تەرروريستٸك ۇيىمىنىڭ سيرييانىڭ سولتٷستٸگٸندەگٸ قاۋٸپسٸزدٸك اۋماعىنان 120 ساعاتتىڭ ٸشٸندە شىعارىلۋىن قامتاماسىز ەتەتٸنٸن مەلٸم ەتتٸ.
«بٸزدٸڭ ماقساتىمىز – الداعى 120 ساعات ٸشٸندە YPG-نٸ شىعارۋ. اتالمىش پروتسەسس باستالىپ كەتتٸ», - دەدٸ ساياساتكەر.
ول YPG ۆاشينگتونعا ٶز كٷشتەرٸن ايماقتان شىعارۋعا كەپٸلدٸك بەرگەنٸن اتاپ كەتتٸ.
سونداي-اق, پەنس تٷركييا مەن اقش سيرييانىڭ سولتٷستٸك-شىعىسىنداعى دايش-تى تٷپكٸلٸكتٸ جويۋ مەسەلەسٸ بويىنشا ورتاق پٸكٸرگە كەلگەنٸن اتاپ ٶتتٸ.
ۆيتسە-پرەزيدەنتتٸڭ سٶزٸنشە, ۆاشينگتون انكاراعا جاڭا سانكتسييا سالمايدى, ال بۇعان دەيٸنگٸ شەكتەۋلەر اتىس توقتاعاننان كەيٸن الىنباق.
"تٷركييادان جاقسى حابار!...ميلليونداعان ادام امان قالاتىن بولدى" دەپ جازدى ترامپ Twitter-دەگٸ پاراقشاسىندا.
ەردوعان بۇعان دەيٸن ۆيتسە-پرەزيدەنتپەن كەزدەسۋدٸڭ نەتيجەلٸ بولاتىنىنا كٷمەن بٸلدٸرگەن. تٸپتٸ پەنسپەن كەزدەسپەيتٸنٸن دە ايتىپ قالعان, بٸراق كەيٸننەن جوسپارىن ٶزگەرتتٸ. تٷركييا پرەزيدەنتٸ اقش سانكتسيياسىنان دا قورىقپايتىنىن ايتقان.
9 قازاندا تٷركييا سيرييا سولتٷستٸگٸندە كٷردتەرگە قارسى ەسكەري وپەراتسييا باستاعان. انكارا كٷرد جاساقتارىن "تەرروريست" دەپ اتاپ, تٷركييا اۋماعىنداعى سەپاراتيستەرگە دەم بەردٸ دەپ ايىپتايدى. ۆاشينگتون كٷردتەردٸ "يسلام مەملەكەتٸ" تەرروريستٸك توبىمەن كٷرەستە وداقتاس سانايدى. بٸر اپتادان استام ۋاقىت ٸشٸندە تٷركييا مەن وداقتاستارى شەكارا ماڭىنداعى بٸراز اۋماقتى باقىلاۋىنا الدى. تٷركييا شابۋىلىنان قورعانعان كٷردتەر داماسكٸمەن كەلٸسٸم جاساسىپ, كٷردتەر شوعىرلانعان بٸرنەشە قالا سيرييا ەسكەريلەرٸنٸڭ باقىلاۋىنا ٶتكەن.
