2020 jyldyń 27 tamyzynda Qazaqstan men Túrkiia arasyndaǵy turaqty jolaýshylar reisterine shekteýler alynady. Bul týraly Azamattyq aviatsiia komitetiniń baspasóz qyzmeti habarlaidy.
Buǵan deiin, COVID19-nyń taralýyna bailanysty, túrik tarapy 2020 jyldyń 5 tamyzynan bastap Qazaqstannan Túrkiiaǵa jolaýshylardyń kirýine shekteýler engizgen bolatyn.
Eki el arasyndaǵy reisterge qoiylǵan shekteýlerdi alyp tastaý máselesi boiynsha túrik tarapymen jumys júrgizildi. Osylaisha, Túrkiianyń aviatsiia biliginiń aitýynsha, shekteýlerdi alyp tastaý máselesi Túrkiianyń Densaýlyq saqtaý ministrligimen úilestirilip jáne COVID-19 taratylýynyń turaqtanýy men jaqsarýyn eskere otyryp, túrik tarapy Qazaqstannan Túrkiiaǵa jolaýshylardyń kirýine shekteýlerdi alyp tastaý týraly sheshim qabyldady.
Reister Qazaqstan men Túrkiianyń sanitarlyq-epidemiologiialyq normalaryn qatań saqtai otyryp jáne áýe kompaniialardyń saittarynda jariialanǵan kestege sáikes oryndalady.
