Siriianyń soltústik-shyǵysyn baqylaityn kúrd qarýly jasaqtary men "Siriia demokratiialyq kúshteri" (SDF) Túrkiia shabýylynan qorǵaný úshin birqatar qalalarǵa Úkimet áskerin ornalastyrý jóninde kelisimge keldi. Bul kelisim jeksenbiden dúisenbige qaraǵan túni, 14 qazanda belgili boldy. Siriia áskeriniń ókili buǵan deiin "túrik basqynshylyǵyna" qarsy turý úshin soltústikke attaný jóninde buiryq berilgenin málimdegen bolatyn.
Dúisenbi tańda Asad áskeri túrik áskeri shabýyl jasaityn jolda bolýy múmkin Tel-Tamer qalasyn aldy. Sondai-aq, buryn AQSh bastaǵan koalitsiia kúshteri paidalanyp kelgen Tabka aviabazasy men Siriianyń soltústik shyǵysyndaǵy birqatar pýnktter Siriia áskeriniń qolyna ótti degen habar tarady.
Kelisim boiynsha, Asad áskeri túrik áskeriniń jolyndaǵy iri qalalarǵa kirip, Túrkiianyń aldyna ne urysty toqtatý, ne Siriianyń turaqty áskerimen urysqa kirý degen máseleni qoiýy tiis. Buryn Ankara mundai múmkindikti joqqa shyǵarǵan.
Siriia kúrdteriniń ókilderi Asadpen ázirge tek áskeri is boiynsha ǵana kelisim jasalǵanyn aitady. Siriianyń soltústik-shyǵysynyń saiasi keleshegi talqylanbaǵan. Onyń sózinshe, AQSh Siriianyń soltústiginen áskerin áketý jaily sheshim qabyldaǵan soń kúrdter Túrkiiadan qorǵaný úshin resmi Damaskten kómek suraýǵa májbúr bolǵan.
Resei áskeri Siriia áskeriniń soltústikke jyljyǵanyn qoldai ma, joq pa, ázirge belgisiz. Túrkiia biligi de ázirge jaǵdaidy túsindirgen joq. Buryn Ankara "Siriiada bastalǵan operatsiianyń maqsaty - Túrkiia men Siriianyń ońtústigine qarai 30 km qaýipsiz aimaq qurý" dep ýáj aitqan bolatyn. Túrkiia Siriia kúrdteriniń qarýly jasaqtaryn terrorlyq uiym dep sanaidy.
Zań shyǵarýshylar tarapynan "Túrkiianyń kúrdterge qarsy áskeri operatsiiasyna kedergi bolǵysy kelmedi" degen kiná artylǵan AQSh prezidenti Donald Tramp jeksenbi kúni "Túrkiiaǵa qatań sanktsiia salý úshin senatorlarmen birigip jumys istep jatqanyn" málimdedi. Taiaý arada Eýropa odaǵy da Túrkiiaǵa sanktsiia salý máselesin talqylaýy múmkin.
