Kókshetaý qalalyq aqparattyq-kitaphana júiesiniń uiymdastyrýymen Túrkiia, Angliia, Polsha, Nigeriia jáne Resei elderindegi etnikalyq qazaqtarynyń qatysýymen «Uly Dalanyń uly tili» atty onlain beinekonferentsiia ótti, dep habarlaidy "Ult aqparat" qalalyq mádeniet bólimine silteme jasap.
Beinekonferentsiiada sóz sóilegen «Ata-Meken» qazaq ulttyq-mádeni qoǵamdyq uiymynyń jetekshisi Sársenǵali Quspanov til – bul ulttyń maqtanyshy ekenin atap ótti.
Sonymen qatar, beinekonferentsiiaǵa Túrkiianyń Ankara qalasyndaǵy Gazi Üniversitesi stýdenti Balaýsa Balshyq, Nigeriia memleketiniń turǵyny, til mamany Abdýll Kerim jáne Polsha turǵyny Lashyn Turapbaev ózderiniń pikirlerin bildirdi.
Onlain sharada til adamzattyń bailyǵy, óner, mádeniet jáne ǵylymda til arqyly joǵary jetistikterge qol jetkizýge bolatyndyǵy aityldy.
Beinekonferentsiia barysynda «Til halyq qazynasy» atty kórme, interaktivti taqtada «Tilim – meniń ózegim» beinerolik, Abai men Ahmet Baitursynulynyń tilge qatysty aitqan danalyq sózderi usynyldy.
