Túrkitildes memleketter yntymaqtastyǵy keńesi hatshysynyń orynbasary, sailaý baiqaýshylary delegatsiiasynyń basshysy Omer Kojaman Qazaqstandaǵy Májilis jáne máslihat depýtattarynyń sailaýy qalypqa sai ótti dep baǵalady, dep habarlaidy QazAqparat.
«Qazaqstandaǵy Májilis jáne máslihat depýtattarynyń sailaýy tabysty ótti. Iaǵni, ulttyq zańnamaǵa sáikes jáne halyqaralyq normalarǵa sáikes júzege asyryldy. Baýyrlas Qazaqstan Respýblikasyn quttyqtaimyz jáne bul sailaýdyń nátijesi Qazaqstannyń odan ári damýyna úles qosady degen pikirdemiz. Bizdiń missiiamyz osy sailaýda baiqaýshy qyzmetin atqardy jáne missiia quramyna Ózbekstan, Ázerbaijan, Qyrǵyz eliniń ókilderi de bar. Missiia óziniń baiqaýyn QR zańnamasyna jáne halyqaralyq standarttarǵa sáikes júrgizdi jáne akkreditteý kampaniiasy barysynda missiia saiasi partiialardyń ókilderimen kezdesti jáne 6-8 qańtar aralyǵynda sailaýaldy úgit-nasihat naýqanynmen tanysý barysynda eń negizgi máselelerdi qarastyrdy», - dedi O. Kojaman Nur-Sultanda Hilton Garden Inn qonaqúiinde ótken baspasóz máslihatynda.
Missiia QR Syrtqy ister ministrliginiń ókilderimen, Ortalyq sailaý komissiiasy tóraǵasynyń orynbasary Konstantin Petrovpen jáne Nur-Sultan ákiminiń orynbasary Baqtiiar Mákenmen kezdestken. Syrtqy ister ministrimen kezdesý barysynda sailaýaldy daiyndyq jáne pandemiia jaǵdaiyndaǵy sailaýdy ótkizý máseleleri talqylanǵan. QR sailaý boiynsha jumystar 253 aýmaqtyq jáne 10063 ýchaskelik sailaý komissiialarynda ótkizilgen jáne 300-dei úmitker men 12 mln sailaýshy tirkelgen.
«BAQ ókilderi búkil sailaý úderisin jan-jaqty ashyp kórsetken bolatyn. Biz sailaý ýchaskelerine, iaǵni Nur-Sultan qalasynda baiqaý júrgizdik. Barlyq sailaý ýchaskeleri ashyq qoljetimdi boldy, barlyǵy ulttyq zańnamaǵa sáikes júrgizildi, bizdiń missiia qandai da bir buzýshylyqtar tirkegen joq. Ákimshilik jáne quqyq qorǵaý organdary da esh quqyqbuzýshylyqty kórgen joq. Sonymen birge, zańnamaǵa sáikes, sailaýdyń jalpylama obektivti ótýine baiqaý júrgizildi. Missiia eshqandai sailaý ýchaskeleriniń janynda jáne ýchaskeler ishinde úgit-nasihat júrgizetin materialdar kórgen joq», - deidi halyqaralyq baiqaýshy.
Sonymen birge, COVID-19 pandemiiasy jaǵdaiy eskerile otyryp, sailaý ýchaskelerinde stanitarlyq talaptarynyń barlyǵy saqtalǵan.
«Missiia basqa da halyqaralyq baiqaýshylarmen yntymaqtasa otyryp, sailaýdy qadaǵalady. Halyqtyń barlyq jastaǵy turǵyndary sailaýǵa qatysty, birqatar sailaý ýchaskelerinde erekshe qajettiligi bar jandarǵa arnalǵan pandýstar bolǵan joq. Bizdiń oiymyzsha, ol sailaýshylardyń qatysýyna, daýys berýine kedergi bolady.
Al jalpy Qazaqstannyń uiymdastyrǵan sailaýy basqa elder úshin úlken tájiribe bolady degen senimdemin. Túrkitildes memleketter yntymaqtastyǵy keńesi QR Parlamenti májilisi men máslihat depýtattary sailaýy ashyq transparentti túrde jáne ulttyq zańnama men halyqaralyq standarttarǵa sáikes júrgizildi dep esepteidi. Missiia óziniń sailaý týraly málimdemesin jýyq arada jariialaidy. Qazaqstan halqy sailaýdy tabysty ótkizip, bizdiń eldi odan ári damytýǵa senimimizdi nyǵaitty», - dep qorytyndylady Omer Kojaman.
