Túrkistan qalasynan Qazaqstannyń 11 qalasyna reistar ashylmaq. Bul týraly Azamattyq aviatsiia komiteti habarlady.
«Qazaqstan Respýblikasynda ishki týrizmdi damytý, sondai-aq ushý geografiiasyn keńeitý jáne Túrkistan qalasy áýejaiynyń kóliktik qoljetimdiligin qamtamasyz etý maqsatynda Aqtaý, Atyraý, Aqtóbe, Oral, Qostanai, Qaraǵandy, Kókshetaý, Petropavl, Pavlodar, Semei, Taldyqorǵan qalalaryna sýbsidiialanatyn áýe baǵyttarǵa konkýrs ótkizildi.
Konkýrs qorytyndysy boiynsha turaqty reisterdi «SCAT» jáne «Qazaq Air» áýe kompaniialary «CRJ2», «B-737», «Q400» áýe kemelerimen oryndaityn bolady», - delingen habarlamada.
Alǵashqy reisterdiń bastalýy aǵymdaǵy jyldyń 15 shildesine josparlanǵan, osy baǵyttar boiynsha biletterdiń quny 16-25 myń teńgeni quraidy.
