تٷركٸستان قالاسىنان قازاقستاننىڭ 11 قالاسىنا رەيستار اشىلماق. بۇل تۋرالى ازاماتتىق اۆياتسييا كوميتەتٸ حابارلادى.
«قازاقستان رەسپۋبليكاسىندا ٸشكٸ تۋريزمدٸ دامىتۋ, سونداي-اق ۇشۋ گەوگرافيياسىن كەڭەيتۋ جەنە تٷركٸستان قالاسى ەۋەجايىنىڭ كٶلٸكتٸك قولجەتٸمدٸلٸگٸن قامتاماسىز ەتۋ ماقساتىندا اقتاۋ, اتىراۋ, اقتٶبە, ورال, قوستاناي, قاراعاندى, كٶكشەتاۋ, پەتروپاۆل, پاۆلودار, سەمەي, تالدىقورعان قالالارىنا سۋبسيدييالاناتىن ەۋە باعىتتارعا كونكۋرس ٶتكٸزٸلدٸ.
كونكۋرس قورىتىندىسى بويىنشا تۇراقتى رەيستەردٸ «SCAT» جەنە «Qazaq Air» ەۋە كومپانييالارى «CRJ2», «B-737», «Q400» ەۋە كەمەلەرٸمەن ورىندايتىن بولادى», - دەلٸنگەن حابارلامادا.
العاشقى رەيستەردٸڭ باستالۋى اعىمداعى جىلدىڭ 15 شٸلدەسٸنە جوسپارلانعان, وسى باعىتتار بويىنشا بيلەتتەردٸڭ قۇنى 16-25 مىڭ تەڭگەنٸ قۇرايدى.
