Qarasha aiynyń 17-shi juldyzy kúni keń baitaq Elimizdiń rýhani astanasy Túrkistan oblysynyń ortalyǵy Túrkistan qalasynyń «Esimhan» alańynda Túlkibas aýdanynyń kórkemónerpazdary oblys jurtshylyǵyna «Túrkistanǵa sálem» atty kontserttik baǵdarlamasyn tartý etti, dep habarlaidy "Ult aqparat".
1500 jyldan astam tarihy bar, qazaq handyǵynyń astanasy bolǵan, shartarapqa ketken kerýen joldarynyń toǵysqan jeri, Uly Jibek jolynyń ortalyǵyna ainalǵan kieli Túrkistan qalasynyń aspan astynda aýdan ánshileri uly kompozitor Shámshi Qaldaiaqovtyń ánderimen qatar, «El júregi - Astana», «Túrkistanym - uranym», «Qyzǵaldaqty Túlkibas», «Túlkibasym», «Túlkibastaǵy toi» atty ánderdi shyrqasa, bishilerimiz «Aigólek» syndy bi qoiylymdaryn qalyn jurtshylyqqa pash etip, kórermenderdiń júregin baýlady.
Sonymen qatar, merekelik kesh barysynda aýdannyń ekologiialyq turǵyda taza ónim óńdiretin «Mailykent-sút» JShS, «Arsen-As» JShS, «Pesnia leto» JShS, «A-Spektor» JShS taýarlarynyń kórmesi uiymdastyryldy.
«Esimhan» alańyna 2000 jýyq kórermen jinalyp, aýdannyń kórkemónerpazdarynyń kontserttik baǵdarlamasyn tamashalap, máre-sáre kúi keshti.
