Búgin Túrkistan qalasyndaǵy «Aqjaiyq» mýzykalyq mektebinde QR Premer-ministriniń orynbasary – Saýda jáne integratsiia ministri Serik Jumanǵarin óńir turǵyndarymen kezdesti. Bul týraly Túrkistan oblysynyń Óńirlik kommýnikatsiialar qyzmeti habarlady.
Jiynǵa Túrkistan oblysy ákiminiń orynbasary Ermek Kenjehanuly, sondai-aq oblystyq máslihat depýtattary, biznes qaýymdastyqtar men BAQ ókilderi qatysty. Kezdesý barysynda Serik Jumanǵarin azamattardy áleýmettik qoldaý, negizgi azyq-túlik baǵasyn turaqtandyrý úshin úkimet tarapynan qabyldanyp jatqan sharalar týraly baiandady.
Ministrdiń aitýynsha, óńirde 2025 jylǵa deiin oblystyq balalar aýrýhanasyn, eki perinataldyq ortalyqty, Arys qalasynda jedel járdem stantsiiasymen qalalyq emhanany salý josparlanýda. Sondai-aq, 20 dárigerlik ambýlatoriia, 23 feldsherlik akýsherlik pýnkk, 6 meditsinalyq pýnkt, 570 orynǵa arnalǵan kóp beiindi aýrýhana boi kótermek.
Sońǵy eki jylda oblysta Túrkistan, Kentaý, Báidibek, Qazyǵurt jáne oblystyń basqa aýdandarynda da 35,4 myń orynǵa arnalǵan 62 balabaqsha, 39 mektep jáne 23 qosymsha ǵimarat ashyldy. Budan basqa, 30 myńǵa jýyq oqýshyǵa arnalǵan 79 jekemenshik mektep, 7 joǵarǵy oqý orny men kolledj jataqhanalary paidalanýǵa berildi. 2025 jylǵa deiin 141 400 orynǵa arnalǵan 30 balabaqsha, 99 mektep jáne 13 qosymsha ǵimarat, joǵarǵy oqý orynnyń 3 jataqhanasy salynady. Al, mádeniet salasy boiynsha ótken jyly Túrkistan oblysynda 12 mádeniet nysany salynǵan. 2025 jylǵa deiin taǵy 14 mádeniet úii salyný josparlanǵan.
«Búgingi sapardyń basty maqsaty - túrkistandyq kásipkerlerdiń pikirlerin tyńdap, qazirgi jaǵdaiyn bilý. Kezdesýde aýylsharýashylyq, jún óńdeý, maqta óńdeý kásibi týraly ózekti máseleler kóterildi. Ózbekstannyń maqta óndirýden tájiribesi mol. Jalpy, Túrkistan óńiriniń áleýeti óte joǵary. Bul rette, Ózbekstannyń Premer-ministrimen maqta boiynsha kooperatsiialyq jobalardy Túrkistan óńirinde júzege asyrý talqylanǵan bolatyn. Sebebi munda maqta óndiriledi, tájiribeli mamandar da bar. Ózbekstan buǵan kelisti. Osy másele boiynsha jaqynda kórshi elde biznes forým ótedi. Osy kooperatsiialyq jobalardy damytý boiynsha memarandýmǵa qol qoiamyz», - dedi ministr.
Sonymen qatar, jiynda 1 qańtardan beri qolǵa alynǵan jańa qurylym áleýmettik ámiian jaiynda da aqparattar berildi.
Áleýmettik ámiian – smartfondaǵy mobildi qosymsha arqyly memleketten alýǵa tiesili áleýmettik járdemaqyny alý quraly. Áleýmettik ámiian azamattyń jeke sáikestendirý nómeri (JSN) negizinde avtomatty túrde qurylady, oǵan memleketten bólinetin aqsha túsedi. Azamattarǵa yńǵaily bolý úshin «áleýmettik ámiian» modýli eGov mobile qosymshasyna qosylady. Ol úshin bar bolǵany «áleýmettik ámiian» qosymshasyn júktep, avtorizatsiiadan ótý qajet.
Jiynda belgili bolǵandai, 2022 jyldyń birinshi jarty jyldyǵynda tabysy eń tómengi kúnkóris deńgeiinen tómen elimizdegi halyqtyń úlesi 5,1% quraidy. 2022 jyldyń 1 qarashasyna ataýly áleýmettik kómek 135 800 myńǵa jýyq otbasyna taǵaiyndaldy, bul – elimizdiń 700 myńǵa jýyq turǵyny.
Al Túrkistan oblysynda birinshi jarty jyldyqtyń qorytyndysy boiynsha tabysy eń tómengi kúnkóris deńgeiinen tómen halyqtyń úlesi 10,4% quraidy. Bul – Qazaqstan boiynsha eń joǵarǵy kórsetkish. Munda ataýly áleýmettik kómekti shamamen 33,5 myń otbasy, iaǵni 190,5 myń turǵyn alady.
Áleýmettik salada, sondai-aq densaýlyq saqtaý, bilim berý salalarynda memlekettik qoldaý sharalaryn taǵaiyndaýdyń proaktivti formatyna kóshý úshin «otbasynyń tsifrlyq kartasy» aqparattyq júiesi ázirlenýde. Júie azamattar týraly barlyq málimetterdi ártúrli memlekettik organdardan biryńǵai bazaǵa biriktiredi. Osy arqyly azamattardyń áleýmettik ál-aýqatynyń deńgeiin aiqyndaýǵa jáne olarǵa proaktivti formatta kepildi memlekettik qoldaý kórsetýge múmkindik týady.
Jiynnan soń Serik Jumanǵarin azamattardy jeke suraqtary boiynsha qabyldap, usynys-pikirlerin tyńdady. Bul rette, barlyq usynystar nazarǵa alynyp, tiisinshe jumystar atqarylatyndyǵyn aitty. Sondai-aq buqaralyq aqparat quraldary ókilderi úshin arnaiy brifing ótkizdi.
