بٷگٸن تٷركٸستان قالاسىنداعى «اقجايىق» مۋزىكالىق مەكتەبٸندە قر پرەمەر-مينيسترٸنٸڭ ورىنباسارى – ساۋدا جەنە ينتەگراتسييا مينيسترٸ سەرٸك جۇمانعارين ٶڭٸر تۇرعىندارىمەن كەزدەستٸ. بۇل تۋرالى تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸ حابارلادى.
جيىنعا تٷركٸستان وبلىسى ەكٸمٸنٸڭ ورىنباسارى ەرمەك كەنجەحانۇلى, سونداي-اق وبلىستىق مەسليحات دەپۋتاتتارى, بيزنەس قاۋىمداستىقتار مەن باق ٶكٸلدەرٸ قاتىستى. كەزدەسۋ بارىسىندا سەرٸك جۇمانعارين ازاماتتاردى ەلەۋمەتتٸك قولداۋ, نەگٸزگٸ ازىق-تٷلٸك باعاسىن تۇراقتاندىرۋ ٷشٸن ٷكٸمەت تاراپىنان قابىلدانىپ جاتقان شارالار تۋرالى باياندادى.
مينيستردٸڭ ايتۋىنشا, ٶڭٸردە 2025 جىلعا دەيٸن وبلىستىق بالالار اۋرۋحاناسىن, ەكٸ پەريناتالدىق ورتالىقتى, ارىس قالاسىندا جەدەل جەردەم ستانتسيياسىمەن قالالىق ەمحانانى سالۋ جوسپارلانۋدا. سونداي-اق, 20 دەرٸگەرلٸك امبۋلاتورييا, 23 فەلدشەرلٸك اكۋشەرلٸك پۋنكك, 6 مەديتسينالىق پۋنكت, 570 ورىنعا ارنالعان كٶپ بەيٸندٸ اۋرۋحانا بوي كٶتەرمەك.
سوڭعى ەكٸ جىلدا وبلىستا تٷركٸستان, كەنتاۋ, بەيدٸبەك, قازىعۇرت جەنە وبلىستىڭ باسقا اۋداندارىندا دا 35,4 مىڭ ورىنعا ارنالعان 62 بالاباقشا, 39 مەكتەپ جەنە 23 قوسىمشا عيمارات اشىلدى. بۇدان باسقا, 30 مىڭعا جۋىق وقۋشىعا ارنالعان 79 جەكەمەنشٸك مەكتەپ, 7 جوعارعى وقۋ ورنى مەن كوللەدج جاتاقحانالارى پايدالانۋعا بەرٸلدٸ. 2025 جىلعا دەيٸن 141 400 ورىنعا ارنالعان 30 بالاباقشا, 99 مەكتەپ جەنە 13 قوسىمشا عيمارات, جوعارعى وقۋ ورىننىڭ 3 جاتاقحاناسى سالىنادى. ال, مەدەنيەت سالاسى بويىنشا ٶتكەن جىلى تٷركٸستان وبلىسىندا 12 مەدەنيەت نىسانى سالىنعان. 2025 جىلعا دەيٸن تاعى 14 مەدەنيەت ٷيٸ سالىنۋ جوسپارلانعان.
«بٷگٸنگٸ ساپاردىڭ باستى ماقساتى - تٷركٸستاندىق كەسٸپكەرلەردٸڭ پٸكٸرلەرٸن تىڭداپ, قازٸرگٸ جاعدايىن بٸلۋ. كەزدەسۋدە اۋىلشارۋاشىلىق, جٷن ٶڭدەۋ, ماقتا ٶڭدەۋ كەسٸبٸ تۋرالى ٶزەكتٸ مەسەلەلەر كٶتەرٸلدٸ. ٶزبەكستاننىڭ ماقتا ٶندٸرۋدەن تەجٸريبەسٸ مول. جالپى, تٷركٸستان ٶڭٸرٸنٸڭ ەلەۋەتٸ ٶتە جوعارى. بۇل رەتتە, ٶزبەكستاننىڭ پرەمەر-مينيسترٸمەن ماقتا بويىنشا كووپەراتسييالىق جوبالاردى تٷركٸستان ٶڭٸرٸندە جٷزەگە اسىرۋ تالقىلانعان بولاتىن. سەبەبٸ مۇندا ماقتا ٶندٸرٸلەدٸ, تەجٸريبەلٸ ماماندار دا بار. ٶزبەكستان بۇعان كەلٸستٸ. وسى مەسەلە بويىنشا جاقىندا كٶرشٸ ەلدە بيزنەس فورۋم ٶتەدٸ. وسى كووپەراتسييالىق جوبالاردى دامىتۋ بويىنشا مەماراندۋمعا قول قويامىز», - دەدٸ مينيستر.
سونىمەن قاتار, جيىندا 1 قاڭتاردان بەرٸ قولعا الىنعان جاڭا قۇرىلىم ەلەۋمەتتٸك ەمييان جايىندا دا اقپاراتتار بەرٸلدٸ.
ەلەۋمەتتٸك ەمييان – سمارتفونداعى موبيلدٸ قوسىمشا ارقىلى مەملەكەتتەن الۋعا تيەسٸلٸ ەلەۋمەتتٸك جەردەماقىنى الۋ قۇرالى. ەلەۋمەتتٸك ەمييان ازاماتتىڭ جەكە سەيكەستەندٸرۋ نٶمەرٸ (جسن) نەگٸزٸندە اۆتوماتتى تٷردە قۇرىلادى, وعان مەملەكەتتەن بٶلٸنەتٸن اقشا تٷسەدٸ. ازاماتتارعا ىڭعايلى بولۋ ٷشٸن «ەلەۋمەتتٸك ەمييان» مودۋلٸ eGov mobile قوسىمشاسىنا قوسىلادى. ول ٷشٸن بار بولعانى «ەلەۋمەتتٸك ەمييان» قوسىمشاسىن جٷكتەپ, اۆتوريزاتسييادان ٶتۋ قاجەت.
جيىندا بەلگٸلٸ بولعانداي, 2022 جىلدىڭ بٸرٸنشٸ جارتى جىلدىعىندا تابىسى ەڭ تٶمەنگٸ كٷنكٶرٸس دەڭگەيٸنەن تٶمەن ەلٸمٸزدەگٸ حالىقتىڭ ٷلەسٸ 5,1% قۇرايدى. 2022 جىلدىڭ 1 قاراشاسىنا اتاۋلى ەلەۋمەتتٸك كٶمەك 135 800 مىڭعا جۋىق وتباسىنا تاعايىندالدى, بۇل – ەلٸمٸزدٸڭ 700 مىڭعا جۋىق تۇرعىنى.
ال تٷركٸستان وبلىسىندا بٸرٸنشٸ جارتى جىلدىقتىڭ قورىتىندىسى بويىنشا تابىسى ەڭ تٶمەنگٸ كٷنكٶرٸس دەڭگەيٸنەن تٶمەن حالىقتىڭ ٷلەسٸ 10,4% قۇرايدى. بۇل – قازاقستان بويىنشا ەڭ جوعارعى كٶرسەتكٸش. مۇندا اتاۋلى ەلەۋمەتتٸك كٶمەكتٸ شامامەن 33,5 مىڭ وتباسى, ياعني 190,5 مىڭ تۇرعىن الادى.
ەلەۋمەتتٸك سالادا, سونداي-اق دەنساۋلىق ساقتاۋ, بٸلٸم بەرۋ سالالارىندا مەملەكەتتٸك قولداۋ شارالارىن تاعايىنداۋدىڭ پرواكتيۆتٸ فورماتىنا كٶشۋ ٷشٸن «وتباسىنىڭ تسيفرلىق كارتاسى» اقپاراتتىق جٷيەسٸ ەزٸرلەنۋدە. جٷيە ازاماتتار تۋرالى بارلىق مەلٸمەتتەردٸ ەرتٷرلٸ مەملەكەتتٸك ورگانداردان بٸرىڭعاي بازاعا بٸرٸكتٸرەدٸ. وسى ارقىلى ازاماتتاردىڭ ەلەۋمەتتٸك ەل-اۋقاتىنىڭ دەڭگەيٸن ايقىنداۋعا جەنە ولارعا پرواكتيۆتٸ فورماتتا كەپٸلدٸ مەملەكەتتٸك قولداۋ كٶرسەتۋگە مٷمكٸندٸك تۋادى.
جيىننان سوڭ سەرٸك جۇمانعارين ازاماتتاردى جەكە سۇراقتارى بويىنشا قابىلداپ, ۇسىنىس-پٸكٸرلەرٸن تىڭدادى. بۇل رەتتە, بارلىق ۇسىنىستار نازارعا الىنىپ, تيٸسٸنشە جۇمىستار اتقارىلاتىندىعىن ايتتى. سونداي-اق بۇقارالىق اقپارات قۇرالدارى ٶكٸلدەرٸ ٷشٸن ارنايى بريفينگ ٶتكٸزدٸ.
