Túrkistandyq politseilerdiń qaiyrymdylyq aktsiiasy Keles pen Sairam aýdandarynda jalǵasyn tapty. Tártip saqshylary «Aýyzashar» chellendjine ún qosyp, kópbalaly jáne kómekke muqtaj 11 otbasyna eń qajetti degen azyq-túlik sebetin úlestirdi, habarlaidy "Ult aqparat".
Atalǵan qaiyrymdylyq sharasy «Nur Otan» partiiasynyń «BIZBIRGEMIZ» respýblikalyq aktsiiasy aiasynda uiymdastyryldy. Sharany Keles aýdandyq politsiia bóliminiń basshysy politsiia polkovnigi Bolat Qanybekov pen Ishki ister bólimi basshysynyń orynbasary Sattar Otynshiev, aýdandyq «Nur Otan» partiiasy filialy tóraǵasynyń birinshi orynbasary Ahmet Jumabaev pen «Sát» mediaholdinginiń tilshisi Meiirhan Berikbai bastap bardy. Olar eriktiler retinde aýdan kólemindegi qaza bolǵan Aýǵan soǵysy ardagerleriniń jáne asa muqtaj otbasylaryn qasietti Ramazan aiymen quttyqtai kele, azyq-túlikterdi tabystady. Sebetterdiń ishinde un, mai, kúrish jáne kúndelikti tutyný taýarlary bar. Igi bastama Abai, Júzimdik. Oshaqty, Birtilek eldi mekenderinde de jalǵasyn tapty. Óz kezeginde qaiyrymdylyq sharasyn uiymdastyrýshylarǵa aýyl turǵyndary dán rizashylyqtaryn bildirdi.
«Igi iske uiytqy bolǵan jandardyń barshasyna úlken alǵysymyzdy aitamyz. Oraza aiynda jasap jatqan qaiyrymdy isteri eselep qaitsyn», – deidi aýyl turǵyny Áigerim Mambetova.
Al, Sairam aýdanynyń politseileri turmysy tómen otbasylarǵa qolǵabys etti. Qazirgi karantin kezeńinde tártip saqshylary qyzmet babynda qaitys bolǵan ishki ister organdary qyzmetkerleriniń otbasylaryna jáne aýdandaǵy turmysy tómen otbasylarǵa, jalpy sany 15 januiaǵa qaiyrymdylyq jasady. Qarjylai da kómek kórsetti. Túrkistan oblysynda dástúrge ainalǵan bul igi sharalar aldaǵy ýaqytta da jalǵasady.
