Otyrar aýdandyq politsiia bólimine keshki saǵat 17:00 shamasynda Sháýildir aýylynyń turǵyny habarlasqan. Ol 29 jasar birinshi toptaǵy múgedek ulyn joǵaltyp alǵan, dep habarlaidy QazAqparat.
Aimaqtaǵy politsiia departamentiniń jazýynsha, uly shalǵaida ornalasqan mal jaiylymdyq alqaptaǵy úiinen belgisiz baǵytta shyǵyp ketip, qaityp oralmaǵan. Bir kún boiy izdep taba almaǵan jigittiń týystary politsiia qyzmetkerlerinen kómek suraǵan.
«Otyrar APB qyzmetkerleri habar alysymen jedel qimyldap, jeke quram tolyq jumyldyryldy. Budan bólek, bul quramǵa eriktiler qosylyp, jalpy 50 adamnan quralǵan top jigitti izdeýge kiristi. Politseiler ózge de mal jaiylymdyq alqaptardy, Qyzylorda oblysy jáne Ózbekstan Respýblikasymen shektesetin qumdy aimaqtarǵa deiin túgel aralap shyqty. Kúni-túni damyl tappai izdeý nátijesinde joǵalǵan bala 2 kúnnen soń 20 shaqyrym qashyqtyqtaǵy shól daladan tabyldy. Tártip saqshylary tabylǵan uldy aman-esen anasyna tabystady», - dep málimdedi vedomstvodan.
Anyqtalǵandai bul otbasynyń jeke mal jaiylymdyq alqaby jáne onda vagon úishiginen jasalǵan baspanasy bolǵan. Otbasy músheleri syrtta maldarynyń jem-sýyn berip, abyr-sabyr bolyp júrgende múgedek uldyń úishikten shyǵyp ketkenin eshkim baiqamaǵan.
