وتىرار اۋداندىق پوليتسييا بٶلٸمٸنە كەشكٸ ساعات 17:00 شاماسىندا شەۋٸلدٸر اۋىلىنىڭ تۇرعىنى حابارلاسقان. ول 29 جاسار بٸرٸنشٸ توپتاعى مٷگەدەك ۇلىن جوعالتىپ العان, دەپ حابارلايدى قازاقپارات.
ايماقتاعى پوليتسييا دەپارتامەنتٸنٸڭ جازۋىنشا, ۇلى شالعايدا ورنالاسقان مال جايىلىمدىق القاپتاعى ٷيٸنەن بەلگٸسٸز باعىتتا شىعىپ كەتٸپ, قايتىپ ورالماعان. بٸر كٷن بويى ٸزدەپ تابا الماعان جٸگٸتتٸڭ تۋىستارى پوليتسييا قىزمەتكەرلەرٸنەن كٶمەك سۇراعان.
«وتىرار اپب قىزمەتكەرلەرٸ حابار الىسىمەن جەدەل قيمىلداپ, جەكە قۇرام تولىق جۇمىلدىرىلدى. بۇدان بٶلەك, بۇل قۇرامعا ەرٸكتٸلەر قوسىلىپ, جالپى 50 ادامنان قۇرالعان توپ جٸگٸتتٸ ٸزدەۋگە كٸرٸستٸ. پوليتسەيلەر ٶزگە دە مال جايىلىمدىق القاپتاردى, قىزىلوردا وبلىسى جەنە ٶزبەكستان رەسپۋبليكاسىمەن شەكتەسەتٸن قۇمدى ايماقتارعا دەيٸن تٷگەل ارالاپ شىقتى. كٷنٸ-تٷنٸ دامىل تاپپاي ٸزدەۋ نەتيجەسٸندە جوعالعان بالا 2 كٷننەن سوڭ 20 شاقىرىم قاشىقتىقتاعى شٶل دالادان تابىلدى. تەرتٸپ ساقشىلارى تابىلعان ۇلدى امان-ەسەن اناسىنا تابىستادى», - دەپ مەلٸمدەدٸ ۆەدومستۆودان.
انىقتالعانداي بۇل وتباسىنىڭ جەكە مال جايىلىمدىق القابى جەنە وندا ۆاگون ٷيشٸگٸنەن جاسالعان باسپاناسى بولعان. وتباسى مٷشەلەرٸ سىرتتا مالدارىنىڭ جەم-سۋىن بەرٸپ, ابىر-سابىر بولىپ جٷرگەندە مٷگەدەك ۇلدىڭ ٷيشٸكتەن شىعىپ كەتكەنٸن ەشكٸم بايقاماعان.
