Shymkentte Ózbekstan Respýblikasynyń IIM ókilderi men Túrkistan oblysy jáne Shymkent qalalyq Politsiia departamenti basshylarynyń ekijaqty kezdesýi ótti.
Basqosýda taraptar ekstremizmge qarsy kúres jáne zańsyz kóshi-qon salasyndaǵy shekaralyq yntymaqtastyq máselelerin talqylady, dep habarlaidy QazAqparat tilshisi.
Kezdesýge QR IIM Shtab bastyǵy, politsiia polkovnigi Qairat Súiinbaev pen Túrkistan oblystyq PD bastyǵy, politsiia polkovnigi Qairat Dálbekov bastaǵan departament basshylyǵy jáne Saryaǵash, Keles, Maqtaral, Shardara jáne Jetisai aýdandyq politsiia bólimderiniń bastyqtary qatysty. Ózbekstandyq delegatsiia tarapynan IIM Uiymdastyrý departamentiniń bastyǵy Shýhrat Norgitov jáne shekaralyq Jizaq, Tashkent jáne Syrdariia oblystarynyń bastyqtary general-maior Gairat Kadirov, polkovnik Tohtar Aripov, polkovnik Mýhitdin Jýraev bastap keldi.
Kezdesý barysynda tártip saqshylary eki eldiń ishki ister organdarynyń qylmysqa qarsy kúres salasyndaǵy ózara bailanysty aldaǵy ýaqytta jandandyrý máselelerin sóz etti. Óitkeni búgingi tańda transulttyq esirtki tasymalynyń ósý qaýpi týyndap otyr. Kóshi-qon protsesteri qiyndap, kriminogendik ahýal birlese otyryp jumys isteýdi talap etip otyr.
Ekijaqty kezdesýdiń nátijesinde qatysýshylar ekstremizmge qarsy is-qimyl men jedel-profilaktikalyq is-sharalardy uiymdastyrý, kóshi-qon máselesi boiynsha aqparattar almasýǵa ýaǵdalasty. Budan bólek, esirtki tasymaldaý men bótenniń múlkin urlaý, avtokólikti zańsyz ielený siiaqty birqatar máseleler boiynsha usynystar aityp, pikir almasty.
Kezdesý sońynda Qazaqstan men Ózbekstan IIM ókilderi qylmyspen kúres jáne shekaralyq yntymaqtastyq salasy boiynsha birlesip uiymdastyrylatyn jáne is júzinde júzege asyrylatyn máseleler boiynsha birqatar qujattarǵa qol qoidy.
