Túrkistan qalasynyń politsiia departamentine jergilikti turǵyn aryzdandy, dep habarlaidy Polisia.kz.
Belgisiz bireýler WhatsApp messendjeri arqyly onyń otbasymen koronavirýs juqtyrǵany týraly jalǵan aqparat taratyp jibergen.
Atalǵan jait QR Qylmystyq kodeksiniń 274-baby «Kórineý jalǵan aqparat taratý» boiynsha sotqa deiingi tergep-tekserýdiń biryńǵai tizilimine tirkeldi.
Tekserý kezinde jábirlenýshi otbasymen birge Eýropada saiahat jasaǵanyn habarlady. Almaty qalasyna kelgen soń áiel men onyń otbasyn dárigerler tolyq tekserýden ótkizip, qarap shyǵyp, karantinge jatqyzýǵa esh negiz bolmaǵan.
Úiine kelgennen keiin Túrkistan qalalyq emhana men SES qyzmetkerleri bul otbasymen bailanys ornatyp, tekseredi, biraq kúni búginge deiin aýrýdyń belgileri jáne basqa da aýrý túrleri anyqtalmaǵan. Qazirgi ýaqytta jábirlenýshi men onyń otbasy músheleri baqylaýdan alyndy.
Jedel-izdestirý barysynda politsiia qyzmetkerleri jalǵan aqparat taratýshy Túrkistan qalasynyń turǵyndaryn, iaǵni úsh kúdiktini anyqtap, ustady. Kúdiktiler óz áreketin tolyq moiyndap, ókinetinin jetkizdi. Olar bul habardy týystary men jaqyndaryna eskertý úshin taratqanyn túsindirdi.
Osy jait boiynsha sotqa deiingi tergeý amaldary júrgizilip jatyr. Politseiler istiń tolyq mán-jaiyn anyqtaýdy bastady.
