Videodan alynǵan kadr: KTK
Tsifrlyq damý, innovatsiialar jáne aeroǵarysh ónerkásibi ministrligi Túrkistan oblysynda muǵalimderdiń elektrondy kúndelik toltyrý úshin dala kezip júrgeni beinelengen sýretke pikir bildirdi, dep habarlaidy QazAqparat agenttigi.
Vedomstvo málimetinshe, sýret Túrkistan oblysynyń Qazyǵurt aýdanyna qarasty Aqqum aýylynda túsirilgen. Oblystyq ákimdik usynǵan aqparatqa qaraǵanda, bul aýylda 432 adam turady. Aýyl turǵyndaryna «Ksell» kompaniiasy uialy bailanystyń 2G jáne mobildi internettiń 3G býyny boiynsha qyzmet kórsetedi.
Degenmen Túrkistan oblysynyń ákimdigi bailanys operatorymen birge aýyldardaǵy internet qyzmetterin jaqsartý jáne qamtamasyz etý jónindegi jol kartasyn ázirlep jatyr. Atalǵan jol kartasyna Aqqum aýyly da kiredi.
«Osy jol kartasy aiasynda bailanys sapasyn jaqsartý úshin antenna-dińgek qurylysyn salý josparlanǵan. Sodan keiin bailanys operatory - «Ksell» AQ bazalyq stansa ornatady. Bailanys operatorynan bazalyq stansa ornatýdyń naqty datasyna qatysty aqparat kútilip otyr.
Buǵan qosa, ministrlik bailanys salasynda «Qoljetimdi internet» ulttyq jobasyn ázirledi. Atalǵan joba aiasynda Aqqum aýylyn qosa alǵanda talshyqty-optikalyq bailanys jelisiniń 3 myńnan astam qyzmetimen qamtamasyz etý jónindegi is-shara qarastyrylǵan», - dep atap ótedi vedomstvodan.
