ۆيدەودان الىنعان كادر: كتك
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ تٷركٸستان وبلىسىندا مۇعالٸمدەردٸڭ ەلەكتروندى كٷندەلٸك تولتىرۋ ٷشٸن دالا كەزٸپ جٷرگەنٸ بەينەلەنگەن سۋرەتكە پٸكٸر بٸلدٸردٸ, دەپ حابارلايدى قازاقپارات اگەنتتٸگٸ.
ۆەدومستۆو مەلٸمەتٸنشە, سۋرەت تٷركٸستان وبلىسىنىڭ قازىعۇرت اۋدانىنا قاراستى اققۇم اۋىلىندا تٷسٸرٸلگەن. وبلىستىق ەكٸمدٸك ۇسىنعان اقپاراتقا قاراعاندا, بۇل اۋىلدا 432 ادام تۇرادى. اۋىل تۇرعىندارىنا «كسەلل» كومپانيياسى ۇيالى بايلانىستىڭ 2G جەنە موبيلدٸ ينتەرنەتتٸڭ 3G بۋىنى بويىنشا قىزمەت كٶرسەتەدٸ.
دەگەنمەن تٷركٸستان وبلىسىنىڭ ەكٸمدٸگٸ بايلانىس وپەراتورىمەن بٸرگە اۋىلدارداعى ينتەرنەت قىزمەتتەرٸن جاقسارتۋ جەنە قامتاماسىز ەتۋ جٶنٸندەگٸ جول كارتاسىن ەزٸرلەپ جاتىر. اتالعان جول كارتاسىنا اققۇم اۋىلى دا كٸرەدٸ.
«وسى جول كارتاسى اياسىندا بايلانىس ساپاسىن جاقسارتۋ ٷشٸن انتەننا-دٸڭگەك قۇرىلىسىن سالۋ جوسپارلانعان. سودان كەيٸن بايلانىس وپەراتورى - «كسەلل» اق بازالىق ستانسا ورناتادى. بايلانىس وپەراتورىنان بازالىق ستانسا ورناتۋدىڭ ناقتى داتاسىنا قاتىستى اقپارات كٷتٸلٸپ وتىر.
بۇعان قوسا, مينيسترلٸك بايلانىس سالاسىندا «قولجەتٸمدٸ ينتەرنەت» ۇلتتىق جوباسىن ەزٸرلەدٸ. اتالعان جوبا اياسىندا اققۇم اۋىلىن قوسا العاندا تالشىقتى-وپتيكالىق بايلانىس جەلٸسٸنٸڭ 3 مىڭنان استام قىزمەتٸمەن قامتاماسىز ەتۋ جٶنٸندەگٸ ٸس-شارا قاراستىرىلعان», - دەپ اتاپ ٶتەدٸ ۆەدومستۆودان.
