Foto: Gov.kz.
Túrkistanda «TURKISTAN INVESTMENT AND TOURISM FORUM – 2024» halyqaralyq investitsiialyq forýmy bastaldy. Is-sharaǵa otandyq jáne sheteldik investorlar men jergilikti atqarýshy bilik organdarynyń ókilderi qatysyp jatyr, dep habarlaidy Ult.kz.
Eń aldymen halyqaralyq forýmǵa kelýshiler nazaryna kórme usynyldy. Onda investorlarǵa Túrkistan óńiriniń qolóneri, týristik destinatsiialary tanystyrylyp, taza tabiǵi aýyl sharýashylyǵy ónimderi kórsetildi. Sondai-aq oblysta júzege asyrylyp jatqan jańa jobalar da tanystyryldy.
Forým aiasynda «Túrkistan – Uly Jibek jolyndaǵy halyqaralyq yntymaqtastyqtyń ortalyǵy» taqyrybynda memlekettik organdar, biznes jáne halyqaralyq uiym ókilderiniń qatysýymen plenarlyq otyrys ótti. Onda Ortalyq Aziia tarihi-diplomatiialyq qoǵamdastyǵynyń tóraǵasy Serik Narysov moderator boldy.
Túrkistan oblysynyń ákimi Darhan Satybaldy forýmǵa arnaiy kelgen sheteldik investorlarǵa alǵysyn aitty.
– Túrkistan qalasynda uiymdastyrylyp otyrǵan halyqaralyq investitsiialyq forýmǵa qosh keldińizder! Búgingi forým jańa bastamalardy jáne investitsiialyq jobalardy iske asyrýǵa arnalǵan mańyzdy alań. Halyqaralyq investitsiialyq forýmǵa Qytai Halyq Respýblikasynan 120 kompaniia jáne Qazaqstan óńirlerinen 100-den astam iri kompaniia ókilderi qatysýda. Qazaqstan Respýblikasynyń Prezidenti Qasym-Jomart Kemeluly Toqaev pen Qytai Halyq Respýblikasynyń Tóraǵasy Si Tszinpin osy kúnge deiin birneshe ret kezdesip, eki jaqty qatynastardy damytýǵa baǵyttalǵan asa mańyzdy qujattarǵa qol qoiǵan. Eki el arasyndaǵy ekonomikalyq bailanys nyǵaia túsýde. Sońǵy 20 jylda Qytaidan tartylǵan investitsiialardyń jalpy kólemi 44 mlrd. AQSh dollaryn qurady. Túrkistan oblysy qurylǵannan bastap, Qytai kapitalynyń qatysýymen jalpy quny 110 mln. AQSh dollaryn quraityn 4 investitsiialyq joba iske qosyldy. Túrkistan oblysynyń álýeti óte joǵary. Aýyl sharýashylyǵy, óndiris, týrizm jáne barlyq salalarda investitsiialyq jobalardy júzege asyrýǵa múmkindik mol. Óńirde investorlarǵa daiyn infraqurylymy bar ǵimarattardy usynatyn indýstrialdy aimaqtar jáne daiyn ǵimarattar ornatylǵan shaǵyn ónerkásiptik parkter bar. Joǵaryda atalǵan investitsiialyq alańdarda birlesken jobalardy júzege asyrýǵa shaqyramyn, – degen Darhan Satybaldy óńirdiń investitsiialyq áleýeti týraly keńinen baiandady.
Plenarlyq otyrys barysynda Qytai Halyq Respýblikasynyń Almaty qalasyndaǵy Bas konsýlynyń orynbasary Liýi I sóz alyp, halyqaralyq is-sharanyń elder arasyndaǵy dostyqty nyǵaitýdaǵy mańyzy týraly aitty. Sonymen birge spikerler qatarynda QR Aýyl shaýrashylyǵy ministrligi men kásipkerlik salasynyń ókilderi de boldy.
Forým jumysy ári qarai taqyryptyq paneldik otyrystarǵa jalǵasady. Halyqaralyq mańyzy bar qujattarǵa qol qoiylyp, yntymaqtastyq artady.
Aita keteiik, Túrkistan oblysynda negizgi kaptitalǵa tartylǵan investitsiia kólemi byltyrǵy jyldyń qorytyndysy boiynsha 972 mlrd teńgeni qurap, trillionǵa jýyqtaǵan. Bul kórsetkishter aimaqta óndiristiń damyp, ónerkásiptiń damyp jatqanyn aiǵaqtaidy. Ári óńirde byltyr óńdeý ónerkásibinde 20 investitsiialyq joba tolyq iske qosylyp, jańa jumys oryndary ashyldy.
Halyqaralyq forýmnyń negizgi maqsaty – Túrkistan oblysynyń investitsiialyq áleýetin tanystyrý jáne óńirdiń shet eldermen ekonomikalyq bailanystaryn nyǵaitý. Investitsiia tartyp, óndiris oryndaryn kóbeitý.
