Túrkistandyq politseiler jol qozǵalysy erejelerin óreskel buzǵan turǵyndardy jaýapkershilikke tartty. Túrkistan-Shymkent ainalma tasjolynda ereje buzǵandar joldyń qarsy betine shyǵyp, kóliktiń terezesinen shyǵyp otyrǵan, dep habarlaidy "Ult aqparat".
Áleýmettik jelilerde kósheniń qaq ortasynda jol qaýipsizdigi erejesin buzyp, júgensiz júrgen birneshe avtokólik jaily beinejazba taraǵan bolatyn. Atalǵan beinekórnisti teksergen politseiler bul oqiǵanyń Túrkistan qalasynda bolǵanyn anyqtaǵan.
Tártip buzýshylardyń kim ekenin anyqtaý maqsatynda Túrkistan politseileri qajetti is-sharalardy júrgizip, kináli júrgizýshilerdi ákimshilik jaýapkershilikke tartty.
«Toiota kamri» júrgizýshisine qatysty 5 hattama toltyryldy. Atap aitqanda, Ákimshilik quqyq buzý kodeksiniń 230-baby 2 bóligi, 590-baby 2 bóligi jáne 595-baby 1-bólimi, 593-baby 1 bóligi jáne 596-baby 3 bóligi boiynsha jazalanady. Al, «Aýdi» markaly kóliktiń júrgizýshisi kodekstiń 593-baby 1 bóligi boiynsha kináli dep tanylyp, hattama túzildi. Avtokólikter aiyp turaǵyna qoiyldy» delingen oblystyq PD baspasóz qyzmetiniń habarlamasynda.
Aita keteiik, áleýmettik jelide osy quqyq buzǵandardyń arasynda politsiia qyzmetkeri bar degen aqparat taraǵan bolatyn.
Qazirgi tańda bul jáit boiynsha da oblystyq politsiia departamenti jeke qaýipsizdik basqarmasy tekserý júrgizip jatyr.
