Foto: Túrkistan oblysy TJD baspasóz qyzmeti
Túrkistan oblysynda bes kún buryn joǵalyp ketken 11 jastaǵy qyz óli tabyldy, - dep habarlaidy "Ult aqparat" oblystyq TJD baspasóz qyzmetine silteme jasap.
"2023 jylǵy 30 naýryzda saǵat 10:10-da Arys-Túrkistan sýarý kanalynanda oqiǵa ornynan 11 shaqyrym jerde Túrkistan oblysy Tótenshe jaǵdailar departamentiniń qutqarýshylary joǵalyp ketken qyzdyń máiitin sýdan taýyp alyp, shyǵardy", - delingen habarlamada.
Eske sala keteiik, 25 naýryzda saǵat 17:00 shamasynda kámelet jasyna tolmaǵan qyz úiinen oinaýǵa shyǵyp ketip, qaityp oralmaǵan.
Izdestirý-qutqarý jumystaryna 139 adam men 16 tehnika, onyń ishinde Túrkistan oblysy Tótenshe jaǵdailar departamentiniń kvadrokopteri men júzý qaiyǵy, Politsiia departamenti, jergilikti atqarýshy organdardyń qyzmetkerleri jumyldyryldy.
